26 juin 2017

Ɛaẓẓi sufella n tzemmurt

Sin yemddukal leḥḥun akken deg ubrid; mi wḍen ar yiwen umekkan, ufan targa* ɣezzen-tt ixeddamen n webrid, ɣummen-tt s tencirin* iwakken ad ttazgaren fell-asent imessebriden*; amma ad yeɣli ar daxel userfuf* nni welebεḍ. Inteq-d yiwen d amectuḥ deg-sen maḍi* di lqed (akken neqqar d akεur)), inna i wemddakel-is i d-yeddan yid-s :Retour ligne manuel
– Lukan ad beddeɣ i tlemmas tencirt-agi, jmaεliman ar ttebuḍ d ittnaṣif !
Netta, ihwa-as kan ihedder; acku iga-t Yillu annect n wemcic. Inetq-d umeddakwel-is irra-yas-id :
– Ih, am akken-is yenna εaẓẓi i insan sufella n tzemmurt, armi i yuli wass, inna : semmeḥ-iyi a tazemmurt, εattebeɣ-kem !

Leεani n ddunit :

A d-uɣaleɣ ar wawal nni amenzu i d-fkiɣ di tedyanin nni iaddan: Tura ilaq ad twalim, deg tudert, ddunit ag d ahil*. Ilaq s bnadem ad yeddu akken ad yeffeɣ ar tafat ines. Ur ilaq ara a nneg am « yiffer i sedduyen waman deg tergan ». Nekkni d imdanen, acku ɣur neɣ allaɣ, u allaɣ agi ilaq aɣ a ten-sseqdec akken ad d-naf tifras i wuguren iɣ yuɣen nekkni s imaziɣen sumata. Ihi, d awala agi: « Ur ttmeslayet ara taɛravt (n ubrid neɣ tin n uɣerbaz). Win yebɣan ad yili, ad yidir gar-aneɣ, yewwi-as-id ad immeslay tutlayt nneɣ. Ifik lawan nni asmi amaziɣ ikennu zzat n waɛrav, acku yeṭṭef aḍabu . Tura Aqvayli anida yella ad yemmeslay d waɛrav s taɛravt, alamma yuḥwaǧ-it, akken ad yeqḍu leslaḥ-ines. Ihi, d wagi i d ahil* nnwen ass-a ! Anida akk iwen-taɛreq, xedmet am nutin. Amedya: Ma nnan-awen-id: « nekni ur nfehhem ara taqvaylit nwen, acku tewɛar ! » Kunwi init-asen kifkif : « ula d nekni ur nfehhem ara tagnawit-nwen, tewɛar akken ad ttnelmed ula d nekni ! ».

Amawal:
targa: rigole
tincirin: planches
imessebriden: passagers
aserfuf: gouffre
akεur: nain, petite taille
ahil: programme

UA-10888605-2