Aṣaḍuf n idammen seqdacen Waɛraven di Tferka taɣerbit (II)

Spread the love

Kra n wid i beddelen* ar ddin-nsen, umnen, ɛaqlen* tuɣris n tnilsit n taɛravt, deg ayagi, fehmet seddan-d ula d actal aɛrav. Qqaren-d i yfelsan-nsen*: “Ma Illu yugi asegdem n weqran ar tutlayt nniḍen, acku asegdem-agi ur d-tteffeɣ, ur d-ttbin ara am akken i tt-id-yerṣel Bab Igenwan”. Ini-t-iyi-d a lmumnin n Yillu anta tutlayt ur d-ttenwasegdam ara ar tmeslayt nniḍen ? Ini-t-iyi-d amek ara tqeblem, ara tesbelɛem tikerkas am tigi ?

Nekk a wen-iniɣ ay Iqvayliyen wid yeddan deg “uḥemmal” n tkellax n imnekcem: ilaq ad walin ulac tutlayt i d-yusan s nnig tayeḍ. Akken ma llant, uklalent leqder d uḥareb, maca d allallen* i yemxallafen gar-asent. Tidak yulin, d tid ibedden, beddent acku imawlan-nsen ɣur-sen aḍabu d “lklac (lmatrayuz)” ger ifassen-nsen akk-a am imtaɛrben ttemtɛarbin n Tferka taɣerbit.

Aɛraven s ubeggen-agi* n usektel* n tutlayt-nsen, yuli ccan d leqder-nsen zzat n yegduden i ten-i ḍefren deg ubrid n ddin ineslem i d-snulfan. Ayagi aṭṭas seg Iqvayliyen d imaziɣen mazal yewwet-iten ṭaylal* d meɣrud, ur d-ukin ara si leqrun n ddel d lbaṭel i yaddan fell-asen. Nekk, ur d-ufiɣ ara asafar i ylaqen akken Iqvayliyen d wiyaḍ amek ara ten-id-yessaki umdan.

Wid i d-yukin si tirga n ddin n lǧennet i sen-yewɛad Nnbi Aɛrav deg uqran-is, hatan d tama nneɣ lla qeddcen akken ad smenɛan actal amaziɣ s lekmal-is.
Iiih ! Stidett !…Akk-a i gan isallen, yal yiwen anida yedda, llan deg-neɣ nekwni s Iqvayliyen imi yaɛreq ubrid ,acku xas ayen akk yeḍran si 62 ar ass-a, llan wid i yqeblen ad beddlen tudert, laṣel, tilelli, tutlayt-nsen s umekkan deg lǧennet n Nnbi Muḥemmed.

Seg useggas n 1985, mlaleɣ-d d yiwen n uqvayli di lqarub n Lpari.
Asmi i twalaɣ, is-faqeɣ i gumma ad yesbin iman-is d acu-t, anta tama ɣer yeqqen, yekki, imiren seqsaɣ-t, fkiɣ-as sin iseqsiyen ad yefren yiwen. Nniɣ-as: “Bɣiɣ ak-sferneɣ ger tutlayt tyemmat-inek ak d ddin n tneslemt. Anwa di sin-agi ara textireḍ, neɣ ara d teǧǧeḍ ? Irra-yid s awal, inna-k : » Ihi nekk ad ferneɣ tineslemt » !”Erriɣ-as: Aaah, tura tbaneḍ-d iman-ik d acu-k. A mmi-s n tmurt. Akkagi nemsefham. Ihi, aqlaq-k d tama n yexsimen nneɣ (02).

Kra n wid d-mlaleɣ iseggasen-agi ineggura, wid yeqqenen ar ddin, kra deg-sen wten akken zemren akken ay-iskecmen ar ubrid-agi n ddin ineslem. Tazwara, ɛarḍen a y-id-sxedmen s wawal aḥlawan, asmi ur sen-tečča ara, imiren ɛarḍen amek ara yi-ssigwden “s jahennama*, atg… Inna-k yiwen melmi kan i t-id-mlaleɣ deg tembita, inna-d awalen agi: “tura nekk ad xedmeɣ af lexrt-iw, zik asmi meẓẓiyeɣ, tɣur-iyi dunnit !”

Axaṭer, argaz agi idder d iminig armi d iseggasen n tmanyin. Deg akud-nni*, yerwa sekrat n ricar d lwiski ak d ujambut. Xilla deg iqvayliyen i yedderen di temẓi-nsen di Fransa. Ulac ayen ur xdimen ara, ula d agur agi n laẓ, werǧin ssnen-t. Dɣa tura am akken ndemmen seg ayen xedmen.
Awal i sen-erriɣ: “lukan tineslemt-agi-nwen ad sbeggen, ad saɛli, ad sali, ad tessider tamaziɣt, tili d nekk ara d-afem d amezwaru deg tmezgida ar tẓalit d ddin ineslem. Imi ddin agi ineslem i tɛavdem, d wid i t-id-yewwin s ssif deg yeffus ayeffus aqran deg ufus azelmaḍ, wi yicban, ur t-qebbeleɣ ara, ur tqebbelet ara ula d kunwi.

Asaɛli n uqran, d asihzel n tutlayt nneɣ, d asiǧhed n tutlayt n imnekcem Σuqba ibn Unafaɛ d wactal-is.
Aɛraven zemren « ad ṭṭsen af sin imeẓẓaɣ », mazal qwan ixdimen-nsen ixannaben ad seḥbiberen af tutlayt d cetla n waɛraven. Ixdimen-agi yenzan am akraren di ssuq d imnekcem af ddin akken ad ten-yessekcem ar lǧennet.
Iqvayliyen d Imaziɣen iddeyyaniyen, umnen belli tutlayt tasɛudit :“d awal n Yillu”, yernu ttagi kan i yefhem mara iẓal, mara isuter kra umdan ineslem.

Mazal, xilla deg Iqvayliyen, ttamnen, umnen belli tutlayt taɛrabt ḥesben-tt ar tura, teqqim ar ɣur-sen “ttutlayt tuɣrist”. Af-ayagi tinna-nsen, taqvaylit segran-tt ar deffir, zwaren ar zzat tin n imnekcem aɛrav. Acḥal n lleqrun uya i sellen i wid i ylaqa ten-id-ssakin belli mačči ala tutlayt taɛravt i “d awal n Ṛebbi”, yal tutlayt d awal n Ṛebbi. Tamuḥeqranit agi neɣ tanbutla* n tmeslayt yugi a sen-yekkes, ugin ad tt-kkesen zzat n waɛraven-awal.

Muqelet tura mara yemlil uqvayli d imtaɛreb d temtaɛreb n tmazɣa : winna a sen-ittmeslay s taɛrabt-is, amma di tmurt i Tferka taɣerbit neɣ ula deg tlemmast n Lpari, di New York, di Tokio, atg… Akken kan ara k-id yaɛqel deg krad n tɣawsiwin-agi a) deg awal . b) Deg ṣṣifa. c) Deg tilḥi. Dinna imaren ak-d-immeslay s tegnawit-nsen.

Walit kra n imeslayen i d-yenna yiwen n umusnaw amaziɣ af anect-agi fell-aɣ nekni s imaziɣen sumata (01)

Kra xedmen-tt zzat-i: Aɛrav a sen-d-ittmeslay s taɛravt-is, nutni as-ttarran s trumit, maca ur zmiren ara, ur ɣur-sen ara tinzert, tirrugza akken as-erren s tutlayt-nsen taqvaylit. Am akken ttseḍḥin yis neɣ ttugaden-ten. Ulac wid ar ass-a, i yzemren ad agin ad meslayen s ttutlayt n Houari Bumedyen, Hmed Ben Bella, atg,..
Nekk qqareɣ-asen dayem: siwel-t taɛravbt-nsen kan mara ten-tiḥwiǧem ad teqḍum lexslaḥ-nwen. Ma d aɛraven-agi i kwen-yeḥwaǧen, werǧin, neɣ akken qqaren nutni “d leḥram ad sen-temmeslayem s tegnawit-nsen !

Ma yella yuɣ-iken zzat n udwanyi, ujadarmi, ubulis, dinna wali-t amek i ylaq ad txedmem. Ma d aɣarim* ur s-ttmeslayet ara s tinna ines. Yernu amma di tmurt neɣ di lberrani . Cfut s ttawilat akk-a am wigi i tzemrem ad ttbeddelem, “ad tt-sembwiwlem idurar”seg kra n trugza d tinzert.
Yernu amennuɣ s wakk-agi, menwala yezmer at-yexdem degwen: ttamɣart, damɣar, d ilemẓi, d tilemẓit, d aqrur, ttaqrurt, atg,…

Illa diɣen ṛṛay nniḍen: mara ken-d-ittmeslay umdan s taɛravbt, kunwi ttarrat-as s tagi nneɣ, meḥsubint s teqvaylit. Kunwi tfehmem-as, netta mdah. Imiren d netta ara iruḥen ar tutlayt tafransist akken ad yemsefham yidwen. D netta i yzellezen* mačči d kunwi.

Lemaɛni n dunnit:
01) “Dés que des Amazighs se trouvent en contact avec des arabophones, c’est immenquablement les premiers qui s’arabisent”
Yettkemmil umusnaw deg awal-is: “L’état de sujetion dans lequel ils se trouvent depuis de longs siecles, ainsi que l’idéologie religieuse qui s’acralisait la langue du coran, ont developpé chez eux un sentiment d’inferiorité qui s’est traduit par une idealisation de l’idiome de l’autre en l’occurence l’arabe bédouin ou coranique”

02) Wagi d yiwen i yqeddcen d l’amicale des algériens en Europe. Ittcetim, ireggem, yettjeddir deg cetla-s u yettcekkir aɛraven. Iqqar-d imeslayen agi: “kunwi s Iqvayliyen lukan ad tetfem aḍabu n Lzayer, ad tzenzem tamurt i Marikan, i Fransa, atg,. Tikwal ad twehmeḍ, as-tiniḍ d acu yettaɣen allaɣ n wemdan i wakken ad yekreh akken actal deg d-yefruri ? Tagara n 88, mi tbeddel tsertit n tmurt, yuγal ad ttgalleḍ am akken weǧin yekki ar l’amicale nni, taxsimt n wegraw Imazighen, i yzeraɛn taɛravt d tneslemt. Icubayi Yillu iqvayliyen am wagi ak d wid yekkin ar akabar n At Iččumar (FIS, HAMAS,MSP d FLN) am uday yekkin deg ukabar n Inaziyen (parti National socialiste) deg akud n Hitler. Llan iqvayliyen am ibhimen, ur ttwalin ara anta tama ara erren (muqlet wid d yekkeren di temdint n Lzayer) .

Amawal
beddelen: converti
ɛaqlen: reconnaitre
yfelsan-nsen: croiyants
asegdem: traduction
allallen: moyens
ubeggen: demonstration
usektel: hisser
ṭaylal: cécité
akud-nni: temps
tuɣrist: sacrée
tanilsit: linguistique
yerṣel: envoyé, descendu…
Bab Igenwan: pere des cieux
ubeggen: demonstration
usektel: hisser
iwɛad: promesse
lklac: lmatrayuz
yzellezen: déstabilisé
tanbutla: complexe
aɣarim: civil

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *