Ameɣnas deg imezwura (IV)

Iẓuran :- Leɣliq n wegraw imaziɣen yusa-d segmi ḥersen kra n imɛallmen n leqhawi akken ad xellesen mgal Vesɛud Muḥend aɛraγ, illa wacu ara d-iniḍ af aya ?

Sliman:- Ilaq ad-yini bnadem ar leǧwayeh n 1977 Muḥend Aɛrav ixdem kra n wagulen*. Aṭṭas n medden it-id-ittnaɣen, id-yekkaten deg-s, akka am Akli Yeḥyaten, dɣa yerra tiyita ula d netta. Iceyyaɛ-asen ilmeẓyen erẓan-asen leqhawi. Imɛallmen-agi n leqhawi d icenga id-ibanen ɛinani mačči s tufra; cetkan fell-as. Segimir sɛan-t-id d ccɣel timsulṭa n Fransa deg-ayen yettekka di taluft n lḥbis-ines, Crif Uqasi illan d paṭrun n tisemsar* n wanag*. Waggini yessawel-as-id, yenna-as atan ak-d-fkeɣ kra n tedrimt. Ilaq ad teḥsum argaz-agi di laɛmert-is id-iɛawen Agraw Imaziɣen, si zik akkin. Muḥend Aɛrav yeɣli deg tcerkett.

Iẓuran:- Ttagi i ttagara n Wegraw Imaziɣen?

Sliman:- Ih, ttagi i d iswi* n waguz: Akken ad yeḥbes leqdic wegraw imaziɣen, segimir Muḥend Aɛrav yettwaḥbes di la sante lqidar n setta n waguren netta ak d tlata imeɣnasen nniḍen. Syenna ḍelben deg-s ad iffeɣ si tmurt n Fransa. Netta yextar tamurt n Legniz anida ɣur-s tamusni akken ad « ires ».

Iẓuran:-Amek teḍra d imeɣnasen id-yegran?

Sliman:- Nefreq am ibawen af lluḥ ! Yal yiwen anida yerra. Nemyussan s yismawen nneɣ imecṭaḥ ak d tuddart nneɣ. Seg yiwen wass nuɣal am ibujilen, ur yella wanida ara nettemlil neɣ kra n unermis* garaneɣ. Ifuk wayen akken iɣ-d-isdukulen, yessemlalayen. Nek s yiman-iw kecmeɣ-d ar tmurt si 1978.

Iẓran:- Ma yella tḥbsem amennuɣ-nwen neɣ tbeddlem-as udem?

Sliman:- Mdah ! Ayagi d awezɣ. Aqla-k lla tettwaliḍ-iyi ar ass-agi.

Iẓuran:- Ma yella temlaleḍ Muḥend Aɛrav asmi d-yuɣal ar tmurt?

Sliman:- Ih ! S tidett, mlaleɣ-t deg At-Aisi. Nemyemmuqal ar wallen kra n ddqayeq (tasusmit). Acu tebɣiḍ a nemyini ? Ḥedreɣ daɣen deg temḍelt-is. Irgazen am Muḥend Aɛrav qlilit. Wissen ma yiwen wass ad-ilal yiwen am netta. Yeɣra, yefhem yernu yexdem tura, izmer ad yili akken is-yehwa amer yeqbel aḍabu n Ben Bella neɣ n Bumedyen.

Iẓuran:- Mara temmuqleḍ ara deffir, amek i tettwaliḍ tallit-nni n umennuɣ-nwen?

Sliman:- Nekk ur beddelleɣ ara; icubayi Yillu nexdem lwaǧeb nneɣ, tazmert nneɣ. I lweqt nni, nefka-d ayen iwumi nezmer, tura tenqes cwiḍt tezmert. Am akken tenna Edith Piaf: « je ne regrette rien » (ur ndimeɣ s kra). Laɛtab nni seg ayen nexdem, tuzzla nni,… atan iban-d, maca ar ɣuri drus; mazal ixuṣ u amecwaṛ ɣezzif.

Iẓran:-Amek tettwaliḍ amennuɣ af tmaziɣt ass-a?

Sliman:-Zemreɣ ad-iniɣ belli ur nettqeddim ara aṭṭas ar zzat. Ur necba-ara igduden nniḍen am Ibaskiyen, Ikaṭaliyen, neɣ Iflamadiyen, acku imaziɣen ar ɣur-i txuṣṣiten takayin, amzun ṭremlen; ɣur-sen 5 lisans, mačči seddis am iɣerfan wiyaḍ . Γurneɣ xilla n Imaziɣen d imiliyaṛden*, maca ur d-ttaken ara a ṣanṭim i tutlayt d yedles-nsen, maɛna mačči d anecta ara iqqurɛen ur nettkemmil ara amennuɣ nneɣ a lamma d tagara. Aneɣmas n tidett, ur iberru-ara i yɣallen-is, acku iqeddec i wuktu*.

Iẓuran:- D acu umahal* ara tiniḍ i lǧil agi d-yettenkaren?

Sliman:- D lwaǧeb fell-aɣ asen-nekkukel* tanuggit* deg tira ak d wawal.

Iẓuran:- Tella kra n tin fi tecfiḍ af tanikduṭ* ur tt-id nniḍ ara ?

Sliman:- Aseggas 1972, nekcem deg tlata ar lgala n Ṭawes Ɛamṛuc deg théatre de la ville de Paris. Teǧǧa-yaɣ nekcem baṭṭel, maca mi iɣ-d-wala newwi deg ifassen nneɣ ipakiyen n ilɣa*, dɣa tenna-d: « Maɛna ur ttepulitizit ara lgala-agi inu! ». Armi id-neffeɣ ar beṛṛa i nefreq ilɣa nneɣ.
Tagara

Kra n cfawat: Zik deg tlemmas n isegasen n tesɛin, imlal yiwen umeɣnas ak d Dda Muḥend (akken is-neqqar), inna: A Dda Muḥend, bɣiɣ ay-id-sfehmeḍ yiwet n tikti teqqaz deg allaɣ-iw, gummaɣ a tt-fehmeɣ acuɣer. Ini-yi-d amek ar irumyen: d azufri* neɣ d amɛallem arumi, mi t-seqsaḍ d acu-k a k-yini: nek d arumi ! Wiggi nneɣ ugin ad ɛaqlen iman-nsen. Acuɣer? Retour ligne automatique
Dda Muḥend yerra-yas-id acuɣer ? Dda Muḥend yerra-yas: “axaṭer irumyen bnan imezwura-nsen llsas, nekni mazal”.

Yiwen wass daɣen, yencen-t-id M.C.B France akken ad ixdem yiwen usarag*. Dinna illa yiwen n uqvayli, dɣa yenna-as-id: kečč a Muḥend Aɛrav d azɣunzar* i telliḍ ! Dda Muḥend yerra-yas: « Ur k-nniɣ ara kreh wiyaḍ, nniɣ-ak ḥmel iman-ik! ».

Amawal
Agulen: erreurs
Tisemsar: agences
Anag: voyage
Iswi: but
Aguz complot
Unermis: contact
Imilyardiren: miliardaires
Uktu: ideal
Umahal: messages
Kkubel: inculquer
Lanekdut: anecdote
ilɣa: tracts
asarag: conference
tanikdut: anecdote
azufri: ouvrier

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *