12 août 2017

Amek ara ten-tɛaqlem garaneɣ (I)

Imtɛareb ak ttemtɛarbin, d imdanen ur nettneḥcam, ur nettqadar alsi*sumata. Iɣilen ifen kra yellan d amdan deg umaḍal u actal-nsen, yusa-d sennig n wid medden meṛṛa. Am akken d-nniɣ-yagi : werǧin llemden tutlayt n medden (abaɛda tamaziɣt-agi nneɣ i erran d « celḥa ») alamma terraten tmara.

Ad ttidiren gar amma yiwen, sin neɣ krad, u a ten-ceččen, a ten-sselsen, a ten-tzedɣen, mačči ad lemden iles n wegdud i ten-ixulfen. Yernu imtɛareben ttemtɛarebin ur ceffun ara af lxir ara sen-yexdem umdan, am-in i t-ixedmen i weɣyul. atg,.. Ul-nsen dima yeččur d asakan ar wid fi stɣelben, ul-nsen tezdeɣ-it tismin d nnḥas af widak i ten-yifen di yal tamsalt.

Anida llan a d-sbeggenen iman-nsen swaɣec-nsen azuran ugerjum, am akken ala nutni i yellan dinna. Tazwara, ad xdemen kra akken a d-ɛeggnen iman-nsen d aɛraven. Amek ? Anda i ten-yuɣ lḥal di berra, deg uxxam, gar medden neɣ uwḥedsen, ad mmlen d acu-ten.

Teḍra yid-s am ugrud nni yettcetiten, i yḥemmelen ad icebbwel imawlan-is:
a) ad suzuren deg aɣec-nsen gar medden (illa umedya: yiwen waɛrav yaɛmeṛ ssuq).
b) ad setten s iḍuḍan ula d seksu neɣ d aksum (xas ɣur-s tafurciḍt neɣ taɣenjawt).
c) d iḥeqqaren ma ɣur-sen iɣil, lǧehd (aɛrav ma yerwa ak-yečč, ma yelluẓ ak-yečč).
Anida ddan ad zzuxen s ddin ineslem d tutlay taɛrabt-nsen.

Nutni umnen deg allaɣ-nsen: tagnawit tif akk timeslayin n dunnit. Iɣilen msakit « taɛerbit-nsen i d kullec, d tallemmast n umaḍal ». Ttrajun deg wiyaḍ ad ernun ar ɣur-sen, mačči d nutni ara yernu ɣur tama yeqwan, xas d yiwen ar wagim. Anda llan ad ḥettemen imdanen nni a sen-ttmeslayen kan s tegnawt-nsen. Ttasen-d ar Fransa ad xedmen, acku d nekni i d-tabaɛn : ad idiren mraw, warem, ateg,.. iseggasen mačči ad llemden tafransist akk am imanagen nniḍen.

Ttrajun ifransisen ad knun akken ad llemden awal aɛrab yernu ad uɣalen d inselmen. Myagreɣ-d d yiwen utunsi deg ucanṭyi. Mi mmeslayeɣ yid-s, inna-d awalen-agi: « nekk ur ḥwaǧeɣ ara ad llemdeɣ tutlayt n urumi, ad ttemsefhameɣ kan yid-sen akken ad sewreɣ aɣrum-iw, daya kan,.. ». Yal tikelt ara d-mlileɣ d imtɛareb at-afeɣ yeqfel deg ulmad n tutlayin. Wissen ma d aḥqar i ḥeqqren lluɣat n medden neɣ d allaɣ-nsen i yeqquren.

Ala tagnawit-nsen i yeswan, i ylaqen ad tt-yehder wemdan deg beṛṛa. Wammag akk tiyaḍ, anida yezmer, yessaweḍ, yekkat akken ad ilint deg yexxamen, si tewwurt n wexxam ar daxel-kan.

Anda qwan, anda ɣur-sen iɣil, xeddmen timuḥranit ar wid ernan. Imaziɣen seg wigi am akken teḥsam. Acḥal d aseggas, nutni qqaren-d i yiqvayliyen belli tamaziɣt-nwen d llehǧa (ccelḥa), ttapatwart ur nettwaru ara,atg… Qqarent-id, sliɣ-as ula deg umaṭaf n radyu tis-snat deg iseggasen nni n Bumedyen. Llan igad i -ittarun ar dinna, qqaren-d : « ilaq taqvaylit-agi-nwen ad teqqim kan deg tewwurt ar daxel. Seg tewwurt akk-in d ttaɛrabt-kan i yḥellen ad tili, ad tidir.

Iqvayliyen di talit nni n Bumedyen, ttwargamen deg uzniq mara sen-id-slen imtɛarben ttemtɛarbin sawalen s tutlayt-nsen. Mmeslayeɣ-d yagi deg yiwen weḥric af rrgumat n imtɛarben ttemtɛarbin di talit-nni. Ula d Iqvayliyen i ylulen deg tmanaɣt, yernu mazal imawlan-nsen ttmeslayen taqvaylit; d arraw-nsen ǧǧan-tt, kecmen deg umeslay usakan. Xilla n izanǧirwa lukan ad nadin amur ameqqran deg-sen, a d-afen lejdud-nsen usan-d deg idurar. Ulac uɣilif, acku d ijelafen* i yuɣalen. Inna-k yiwen n umeɣnas deg iseggasen nni n lkuminism n 70 :  » Moi, je ne peux pas être solidaire de la classe ouvrière arabe, puisque celle-ci participait à notre oppression » (01).

Iqvayliyen nni n tmanaɣt, akken llan warraw-nsen sawalen asen ala s tegnawit. ddan u fsin am tqeṭṭit deg ubiṣar. Kkaten akk amek ur ten-ttaɛqalen ara d iqvayliyen i llan. Wten akk amek ara sebɣen d aɛraven, ad uɣalen d wid ifen, acku icuba-asen Yillu d aɛrav i yfehmen imi ɣur-s « nnesxa » d « tutlayt n Sidi Ṛebbi ».

Aqvayli n tmanaɣt, mi d-ufiḍ, mi d-skefleḍ iẓuran-is d aqvayli, imaren ak d-iɣer tasurett-is, ak yini: « iih, akk-a, s tidett ula d nekk d aqvayli am kunwi, maca d agi i luleɣ, ttusemmaɣ d anjirwat ». Qqaren-d stegnawit-nsen: « anna mmelɛasima, zadet, mzzayer ɛasima ya xu ». Tiḥdayin qqarent diɣen: « anna bent lɛaṣima ya xti ! Ma ranic sḥab ǧbel qbayel fayḥin ».

Asmi kecmeɣ ar centre n lqebba deg useggas n 70, amunitur iga-d yiwen wumuɣ* iseṭṭaɛ-itt deffir-neɣ. Umuɣ-agi ires-d akk anida i lulen imunan* nni. Nufa wid nni akk yettarran iman-nsen d aɛraven ziɣ d iqvayliyen.

Iqvayliyen yettenḥasaben d iqvayliyen ala wid yettmeslayen taqvaylit, ur ttṣeḍḥin ara yis. Wamag akk wiyaḍ, tarewla tmennaɛ …! Ugaren lxubata nni n asmi tella Fransa i tmurt nneɣ. Nnif d ttrugza, ar imesdurar. At temdint enzan am izamaren di rreḥva, berran deg jaddit u randan-d am uxannav deg lgirra nni urumi. Ikcem-d s tmitrayiṭṭ-is d upaktag-ines akken at-yeqbel ufransis. Retour ligne automatique
Ihi, akk-a llan iqvayliyen neɣ inekkaren n laṣel, acku akk-a i sen-yeshel akken ad idiren d waɛraven n lzzayer.

Lemɛani n dunnit

01) Mohamed Boudiaf dans son journal El-djarida, sait combien de fumeurs qui fument et de chiqueurs qui chiquent en Algérie, mais jamais le nombre de kabyles emprisonnées dans les geôles du pouvoir de Boumedyen ( Par Mas Md A. Bessaoud dans l’une des revues d’agraw imazighen). 70% deg imeɣnasen n ukabar PRS d Iqvayliyen (voir l’opposition en Algérie depuis 1962 de Ramdane Redjala). Ddan d iwaziwen akken ad sbedden Mohamed Boudiaf d aselway n Lzayer.Retour ligne automatique
walit adlis des petites gens….2000 n Mas Md a. Bessaoud). Ayagi iqvayliyen izelmaḍen iseggasen n 70, ddan, ttɛawanen ifalistinen ak d amennuɣ* af uɣrum n imtɛarben ttemtɛarbin n Lzzayer.

Amawal:
alsi: humain
imuhaṛ: nobles
ijelafen: rénégats
wumuɣ: liste
imunan: stagiaire
amennuɣ: luttes

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2