Amsawal n Ulhim (IV)

Bulla: Tɛesserem* imenqanen* ar tberxidas*: acuɣer?

— Ulhim: Akken aten nessibɛad af timelliwin* n Yillu

— Bulla: D acu ara d-rebḥem af anect-agi?

— Ulhim: Imsaɛfen. Anesbahu* akkat nsen ihegga deg ahes*

— Bulla: D acu i d ahes?

— Ulhim: Imeṭṭawen, inazaɛen, aqerrec n tuɣmas, timdelest* ak ttillas*, ar wid zgan ɣezzen tiregwa n imeṭṭawen, ur tella fellasen takawt, tihina* zgant mbla tagara.

— Bulla: A lxelq ccaqi, a win yaɛṣan Ṛebbi, a win yerẓan tamuɣli ar bab igenwan, imi twalaḍ amek laɛtab n inegmanen* acku s laɛtab tefkiḍ i ineḍfaren-ik*, acuɣer ur tessutureḍ ara ssmaḥ d laɛfu ar Sidi Ṛebbi ? Ahat, imi Bab nneɣ d win yettsemmiḥen yernu afus-is meqqer ak yaɛfu ?

— Ulhim: Kullec ittas-d s ɣur Yillu. Tura ur sterǧiɛeɣ*, acu ara zzmen* felli ? Γas ma akkagi, yak Bab igenwan ur ibɣa yara ad geɣ seg ul-iw anuz* wa ad sterǧeɛeɣ.

— Bulla: Ma yella akkagi, inegmanen* ak d inezman-ik* ur d-ttrusen ara si talwit ? D kečč akk id sebba n ibekkaten* n llumma. Nutni mutlen s tinnuzɣa*, maca d kečč i s uḥellel ak ttḥerci, tessiɛjil-iten ar ibekkaḍen. Nutni cban imessukal* inaɣlafen yeddan di teflukt s azig* taǧehdant; kečč tgaḍ d aɣeṛṛaq n isnubrenen* tavavurt i tlemmas n illel*, i teḍfi* n uwali n weɣmaq ar lqaɛ n uxerdus* s kra n neyyat seg wid ifkan tameẓẓuɣt i yinawen-ik*.

— Ulhim: A Bulla, argaz aḥeqqi, dagi bezzaf tɣelḍeḍ. Acuɣer i yi tɛebbaḍ s lbaṭel agi i d-greḍ felli ? S wacu ara yi-t-sḍelmeḍ s ineckalen n wiyaḍ ? Aɛni xusseɣ akken ay-id-ternuḍ, ixus ayen ɛebbant tuyat-iw ? Dayen ik ixussen akken ad ternuḍ ticburda* n wid ik icban ? Tesṭuquteḍ aṭas deg awal. Tidett ma yehwa-ak ad tissineḍ, nek d amzenzu* iṣfan. Suliɣ taḥanutt, telli azal d yiḍ. Imessebriden n dunnit, argaz tameṭṭut, tasen-d, ttmuqulen-d udem*. Ttmuqulen-d s tmuɣli n cihwan, usmen s sselɛa d igerrujen yellan.
Fernen ayen i sen yehwan, ur ttafen ara segw anida nniḍen ḥaca kan ar ɣur-i. Xeddemen timsuɣin nnsen s lexlas neɣ s ukridi. sumat zgant rṣant . Nek ur ɣellḍeɣ yiwen. Lexlas fiḥel asawen neɣ amqecwaɛ. Ilaq a ttameneḍ belli selɛa telha, mara twaliḍ anect nni n imsaɣen-iw ak d tikliwat* inu. Tura ma yella taramsut* ak ttagama* tamezɣubt* n umdan tenher-it ar txessart-is, anda tella lfalṭa inu, i wacu ara tt- usselmeḍeɣ nekkini ?

*Amawal:

Tɛasrem: acculer
tiberxidas: mensonges
imenqanen: mortes
timelliwin: miséricordes
imsaɛfen: compagnons
anesbahu: menteur
akkat: place
ahes: Enfer
timdelet: obscurité
tillas: ténèbres
inegmanen: souffrances
ineḍfaren: adeptes
anuz: humilité.
inezman: tourments
ibekkaḍen: peches
tinuzɣa: ignorance
imsukal: voyageurs.
azig: apparence
nnubren: chavirer
Illel: mer
tiḍfi: plaisir
axedus: gouffre
inawen: discours
ineckalen: fautes
ticburda: méfaits
amzenzu: commerçant
udem: devanture
imsaɣen: clients
tikliwat: pratiques
taramsut: passion
tagama: nature
tamezɣult: vicieuse
tiḥilett: ruse

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *