26 juin 2017

Amsawal n ulhim (VI)

Dɣa yenna Ulhim :

– Tetteuḍ af wigi, axaṭer d imrabḍen i llan u d at n tmezgida am kečč, yernu ur k-d-teɣli yiwet n tmeqqit n imeṭṭawen af wiyaḍ meṛṛa. Ul-ik ɣur-s yiwet n tekwatt*  (lucarne), ittwalin ala imdanen n tqarubt-ik* (caste) Ul-ik d agecraruḍ* (inaccessible) ar tmella* (pitié) tameɣraḍant* (uniγerselle). Ihi, ɣas ru u sgegder* (lamente), wwet udem-ik tessensleḍ inẓaden-nni n tamart-ik. Ru af laɛwqal*  (patriarches) d lecyax d yemrabḍen* (Abbés): ru af kra iẓullen seg was n lḥed, af wid i yuẓamen tikeffarin, af kra yensan, nuẓẓeren di txelwiyin* (les ermites), ru ternuḍ af wid i gullen ur ḥniten. Ru daɣen akk af lawliyat* (écclésiatiques) imrabḍen i gan d imeddukal u d iqeddacen -iw yettnadin tijmilin-iw anda tiggawin inu* (actions) ttimagrazin* (agréable) ak d unabaḍ-iw* (gouvernement)!

Anezgum ikecmen Bulla yessedrem ssura-s. Kra n wayen yeqquder, yaɛbed* (vénérer) segmi yella d alqaq, igelliden n txelqit ak d wid n imanen* (âmes), ifa-d d umatu* (immédiat) s lexsas n ugemmur*(indignité) ak ttkerkas. Wamma* (cependant) ibɣa ad iwali ar zzat ugar* (davantage). Acuɣer tebɣiḍ ad ruɣ ugar ala af igelliden kis* (particuliérement)? Is-yenna umrabeḍ.

Ulhim:- Acku azgal* (manquement) -nsen immed n wazal n lqedrat i wumi i ssawḍen. S kra ara yaɛlay umdan, ar taẓayt, ara tetbaɛ lfalṭa yexdem. Ma d igelliden yak sehlit iw-mennuɣ. Asen serreḥ af nncaf*(dissipation) ak d uḥennak* (orgueil). Ad akreɣ anelli-nsen ak d uramus* (passion) ara ten-id-iseccḍen. Tettun iman-nsen belli d imettanen* (mortels) i llan, ǧǧan s liser di lebɣi, ur ḍfiren abrid n Sidi Ṛebbi i ten-ixelqen. Berruɣ-d af ulawen-nsen tiruma* (tempête) timetradin* (guerrières) u asen-dduɣ s ddḥis n imseɣret* (hymne) akken asen-sɛarqeɣ iberdan illan. Γilen ɣur-sen akk izerfan imi gan d igelliden.

UA-10888605-2