12 août 2017

Asefru af Mhand d warraw-is

Atan tebdam tettetruzim
Yerna teḥsam kunwi seg-neɣ
Nekni nɣil dima tellam
Tettekkam deg uẓar nneɣ

Si tjaddit iban tura tberram
Taddukli-nwen d waɛrav amennaɣ*
Neḥseb ikwen kunwi yid-neɣ
Ziɣen twufqem aɛdaw

Amek ara yili uzekka
N widak i d-ittekkaren
Kunwi i yqeblen lekna*
Ur tifiḍ d acu i wen-d-yeqqimen

Tebɣam ad tuɣalem d wid tifem
Init-iyi d acu akka yeḍran?
Ad ternum ar ugdud aheǧǧam*
Neɣ seg imenfan*

Asefru inu af ɛadik* Samia
Tinna akken yeɣran llif*
Seg iẓuran-is lla tberra
Waqila tuɣ abrid n lḥif*

Derya-s ass-a, azekka
Ad d-ffɣen d imberriyen*
Si ccetla-nsen ad tqejjimen
Aɣ ttɛayaren « qbayel krarca »* !

Nekk mazal ssarameɣ*
Qqareɣ: yiwen wass ad d-fiqen
Ad ferḥen yiswen wid nneɣ
Lǧil ur yettuɣal di nndam

* Yettwaru ass n 24 tuber 2007 af 15 n temrilt.

Amawal:
amennaɣ: instable
lekna: soumission
aheǧǧam: dénigreur
imenfan: etre sans repère, sans identité.
ɛadik; surtout.
llif: première lettre de l’alphabet arabe.
lḥif: sur le chemin de l’errance, de la perdition
imberriyen: renégats
qbayel krarca: insulte de l’arabe à l’endroit du kabyle
ssaram: espérer
uleggam: la bride

Lemɛani n dunnit:
Mhand d yiwen wergaz yettidiren di lzayer tamanaɣt.Γur-s krad (3) d derya. Akken meqqerit, bdan lla teffeɣen deg wennar n tjaddit. Ihi, rriɣ-d asefru-agi deg allaɣ-iw fell-asen. Maca, tadyant-agi taɛna akk tiwaculin yettidiren gar ignawiyen d tegnawiyin, acku ma ssalwin kan i uleggam*, tarwa-nsen ad truḥ ar tama n ucengu.

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2