18 août 2017

At Ṛebbi mara d-inin mdah

Sin d aɛraven, kecmen ɣur yiwen n uqahwaǧi d aqbayli di Lpari a d-aɣen sin isandwicen s tmergazin. Amɛallem ufan-t ar ukantwa lla ittmeslay ak d ikelyanen nniḍen illan yid-s. Inṭeq ar ɣur-s yiwen seg aɛraben nni (s trumit), yenna:
– A mas ! Ma yella wamek,… xedm-aɣ-id sin isandwičen « s tmergazin n waɛraben »* ma yella wamek ?
Amaɛllem ur t-yaɛǧiv ara lḥal mi i d-isedda seg umeslay-is « asandwic « s lmergaz aɛrab », dɣa yerra-asen mebla reffu, maca yennum. Yenna upatrun :
– Asandwič n waɛraben ?…Amek meḥsub ?
Aɛrab yenna diɣen:
– Meḥsub d asandwič s tmergazin n waɛraben, hataya…!
Aqahwaǧi aqbayli icumm-itt akken d aweṣṣi i d-ttuwessan s ɣur yexṣimen n tmuzɣa n ukarti; acku vav n rastura agi d yiwen seg imeɣnasen iḥeḍmanen*.
Amaɛllem inna-asen akken ur ittemcewwal ara yid-sen:
– Ifuk-iyi weɣrum !
Aɛraben nni uɣalen : -Ihi, ma ulac, a neqqim kan ar ṭabla a nečč imensi,… Awi-d ihi efkaɣ-id ayen yellan !
Netta diɣen yerra-asen:Retour ligne manuel
– Dagi ilaq alamma theggam imekwan n kun (terizirvim) af zik akken ad theggim ṭablat.
– Aɛraben wehmen ma s tidett isen-d-iqqar neɣ ur ibɣa ara kan asen-d-iservi tagwella i kmandin.
Aɛrab diɣen inna-as:Retour ligne manuel
– Amek ?…Alamma n rizirvi imekwan nneɣ akken a nesmensi*?
Yerra diɣen:
– Iiih, ih ! dagi ɣuri akkagi ! Alamma theggam, terizirvim imukan. Nek dagi akk-a !
Aɛraben mazal-iten, gumman ad amnen belli yugi-ten imi i s-nnan awal agi « sandwich mergez arabe ». Diɣen uɣalen nnan:
– Awi-d, efk-aɣ-id kan snat n tebyirin, maɛlic.
Amallem diɣen ibda ittal-it-id ifeqqiɛ, imir yerna-asen:
– Dagi d rastura, ur sserbayeɣ ara tissit ! *
Aɛraben, mmuqlen ar deffir-sen, walan llan wid i yessen tibyirin d leqhawi, atg…, Imiren uɣalen fehmen, teqqim-asen-d kan tufɣa. Tefka-ten tewwurt, ffɣen tuffɣa n uberriq.

Lemɛani n dunnit

Illa deg awal : imɛallmen iqvayliyen deg Lpari, d ayen ssneɣ, ssneɣ-ten sumata. Acku, acḥal d aseggas nekk lla ttmeddiḥeɣ deg-sen akken ad ttekkan i leqdic agi fi nettnaɣ acḥal uya. Leqdic agi d ayen yaɛnan idles nneɣ i lla irekkun simmal nettidir. Tamasalt n tutlayt d yedles ilaq as as nemyiger akken nella. Tagi mačči d taluft n yiwen n kra n imdanen. Xilla deg-sen qqaren-d : « nekwni d ikumirsiyen ur ilaq ara a nesseddu tasertit deg lmaḥel nneɣ », nekwni d tadrimt kan, win d-ikecmen as-nemmeslay s turtlat ines, amma s tcinwatt, s taɛrabt neɣ s tegrigit ! Nekk nniɣ asen: « ma d aɛraven agi n tmazɣa, ttenṭaqet ar ɣur-sen dima s tutlayt nneɣ, akken ad nnumen. Yernu ma yebɣa ad yidir yiwen yid kun, iwwi-d ad yelmed tutlayt, mačči asen-tessawalem s tegnawit nsen, xas 10 ar yiwen. Ttarran-d imeslayen agi: « ma nedda deg awal-ik, a neɣleq leqhawi nneɣ ». Yiwen n uqvayli nneɣ as: « tura ma d idrimen kan i d iswi inek, eyya-d ak greɣ aḍ…d iw ar deffir-k u ak fkeɣ 50 euros ». Ini-d ma ad tqebleḍ ? Inna-d: « Γur-k lḥeqq a gma ! »

Lemtel : Taneffust agi teḍra. Amɛallem aqbayli amazɣan di Lpari tis warem. ur t-yaɛǧiv ara mi d-as d-nnan : »asandwič s lmergaz n waɛraben ». Acku yekreh meṛṛa ad isel i wawal n taxrabt deg lmaḥekl ines*. Sebba d ayagi ɣef yugi. Tayeḍ daɣen, aɛraben agi ttwaceggɛan-d ar tama taxsimt di leryuf nni kan.

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2