Awal n Muhend Bessaoud (III)

Itrikuyen nni izegzawen yuran s tifinaɣ ?

« Anida teddiḍ ay aḍar s aẓar ! » Tinna, susem kan ! Acḥal n warrac nneɣ n tmurt id-izuṛen leḥbus i lǧal n itrukiyen nni yura s tfinaɣ. Deg useggas n 1972 neɣ 1973 i ten-id-nexdem dagi. Yira-d degsen « Agraw Imaziɣen  » s tfinaɣ. Ur qqimen ara snat smanat, win ten-yeẓran ad yaɣ sin neɣ tlata ssegsen ɣer tmurt. Mačči d yiwen neɣ sin kan i yettwaṭṭfen fellasen. Yiwen weqcic seg widen yettwaṭṭfen d aderɣal, si tmurt n Mɛatqa. Yiwen wass walan-t iǧadarmiyen yelsa atriku nni, dɣa wwin-t, fkan as laɛtab-is, ur ugaden Ṛebbi deg-s. Asmi d-yeffeɣ si lḥebs, yessaweḍ-aɣ-d lexbar, yenna-yaɣ-d: « tura mi ttawin ula d iderɣalen ɣer lḥebs ɣef tmaziɣt, umneɣ att-nerbeḥ ma yebɣa Ṛebbi ».

Tamaziɣt ur tettwaru yara !

Iḥka-yi-d Mɛammri amek tḍra yid-s yiwen wass netta ak d Attak Meẓyan n At Yanni, dɣa i as yenna Mḥemmed Yazid: « ce n’est pas vrai, le berbère ne s’écrit pas ! ». Imiren kan yura-yas Lmulud kra n wawalen s tfinaɣ. Akken ten-iwala Yazid, yenna-yas : « Amek ara k-amneɣ, wigi d keč i ten-id-yesnulfan ! » Dinna kan inna-yas Lmulud : « Nek ad ruḥeɣ ɣer dihin, Meẓyan ad yaru ayen tebɣam, mi d-yuɣal a ten-id-ɣreɣ ».

Ikker Mɛammri iḍerref akken ur sen-d-isel ara d acu ara arun. Akken kfan, yuɣal-d, fkan-as lkaɣeḍ nni yura Meẓyan, dɣa yeɣra-t-id. Seg assen i yumen. Mḥemmed Yazid belli s tidett tamaziɣt tettwaru. Imaren Mɛammri immal ar tfinaɣ agi.

Lkaɣeḍ nni turam dagi, testenyam s yissem n Lmulud Mɛammri ?

Tinna taqsiṭ is meqqeret. Waqila di 1973 i teḍra tedyant agi. Imiren, win d-yusan si Lzayer ad a ɣ-d-yini : » Mɛammri ittaru s tlaṭinit, kenwi teskeflem-d alaxert n tfinaɣ ! ». D urfan imeslayen agi i yes yuriɣ l’éditorial n le bulletin, rniɣ stenyaɣ-t s yisem n Lmulud Mɛammri. Di lkaɣeḍ nni sfehmeɣ-d amken n tmeslayt amek « la culture est d abord une langue… ». Asmi yesla Mɛammri di Lzayer, yeffeɣ-it laɛqel. Dagi daɣen l’Amicale yekker deg-s uferfud. Kra n wussan kan yura-d Mɛammri tabratt deg uɣmis n El-Mudjahid, tabratt deg d-yenna belli d lekdeb, mačči d netta i d-yuran tabratt lkaɣeḍ agi di Lpari.
Tagara, sawḍeɣ-as lexbar i Mɛammri, nniɣ-as: « Ma tebɣiḍ aru-yi-d lkaɣeḍ a t-id sufɣeɣ deg bultan ara d-yeffeɣen aggur agi i d-itteddun « . Seg wassen ur yi-d-yefka lǧawab. Tadyant agi, nek mačči d Lmulud i qesdeɣ neɣ nniɣ ayen n diri fellas. Ayen qesdeɣ nek, akken a d-yili wawl ɣef temsalt agi n tmaziɣt di Lzayer. Nek yak d Lmulud si 1965, segmi lliɣ dagi di Lpari, diḥbiben nettemyaru. Di tedyant agi ur ɣliḍeɣ ara. Yella-d wawal leḥkem yenhewwal. Ma d Lmulud ur t-yuɣ wara. Medden ɣran tabratt is deg uǧernan El-Mudjahid, nudan anta sebba, syin amur ameqran ssegsen ufan lateṛ n Wegraw Imaziɣen. Teffeɣ d lfayda !

Ixsimen nneɣ imiren d L’Amicale ak d la SM ?

Tawaɣit mačči yiwet imiren. L’Amicale n FLN sya, widen n la SM sya. Dɣa ula ttabburt n « wegraw » rẓan-aɣ-tt. Γillen yella kra n ugerruj ar afen dinna neɣ kra lekwaɣeḍ uffiren n « les secrets d’Etat »! Dinna. Nekni ur nettaǧǧa yara acemma, nnig lekwaɣeḍ menwala. Imiren teǧhed aṭas l’Amicale. Kul lqahwa llan deg-s. Bab n lqahwa bessif fellas ad izzenz ijernanen n l’Amicale agi. Awwah ! Srewten ayen iwumi zemren. Acḥal n tikkal i d-wwten arrac nneɣi yeznuzun le bulletin nni d-nessufuɣ. Nek s timmad iw acḥal n tikkal i qrib i tekker s udebbuz. Imiren, daɣen, leḥkem n Fransa , i yes ur yi-nnɣin ara iqetalen n Bumedyen. Γas akken laɛmer ssuterɣ laɛnaya , la police n Fransa ttɛassan felli ṣṣbeḥ tameddit. D Président Pompidou, i yellan imiren dagi.
Γef akken sliɣ, yessawel-as-d i l’Ambassadeur n Lzayer, yenna-yas: « je ne veux pas d’une nouγelle affaire Ben Barka chez moi ! » (ayen ara yeḍrun d wergaz agi cfut d kunwi !). Yiwet n tikkelt dɣa nnig waggur ur kkisen ara sin « ibulisen » zat « l-lbiru » nni nneɣ. Mi ffɣeɣ si « lbiru » d ibulisen nniḍen ara yeddun deffir-i. Ttazmert i yas-tt-yekksen i Bumedyen tili ur yittsamaḥ ara. Γas akken, la SM ur tuyis ara. Wwten acḥal n tikkal akken a yi-ssufɣen ɣer tmurt n berra, la Belgique neɣ la Suisse. Ma d nek ur yi kellexen ara s ṭṭmaɛ n yedrimen nnsen. Tagara, nwala amek i yas-xedmen tacerkett i Krim Belqacem. S leqḍent ɣer Lalman, nɣan-t dinna. Lemmer yeqqim di Fransa tili ahat ur t-yettaɣ wara.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *