29 juin 2017

Awal unaẓur (I)

« Nekk ttekkaɣ deg weḥraz n tutlayt n tyemmat-iw » (01)

Anaẓur n tidett i yessenen ad isseqdec tamzert* ak d wawal. Kra n iseggasen agi ineggura, yufrar-d s isnulaf* n isura innuɣen* uddiren* i yeswehmen yal amdan. Si DdaSpillu, Icawraren, tura isnulef-d* ar teqvaylit, asaru n usmessu* Shrek i mechuren. S usemmezray* si Shrek I, yuɣal iqeddem ar uḥric wis sin. Ussan agi kan i yebda i tt-ikkumirsializi. Deg awalen-ines, i ygan-d tuffra-s, tin n usemmezray n isnulaf-is.

Aseqsi : Tura kan i d-ssufeɣeḍ aḥric shrek II. Dacu-t lexbaṛ ar medden ?

Racid Tiɣilt : Ṣṣut i d-yuɣalen d win issefraḥen deg teswaiεt agi. Bɣiɣ ad d-iniɣ feedback (nekk d kra widak akk i yttekkan xedmen lddublaj n nisura ɣur Nova « sound studio » d anfaras Hacene At-Ifren * u d ameddakel) seg tama n uẓeṭṭa neɣ diɣen : seg imi s ameẓẓuɣ. Am akken bɣiɣ ad d-iniɣ, imi ulac kra n isulaf* akken a nwali anida yessaweḍ wayagi, mbla ttawilat i ylaqen akken ad twaliḍ a bnadem tidett yellan att sawmeḍ*.

Ulac kra n lqis n usenqed* akken a nẓer anda tessaweḍ lxedma agi nneɣ. Ula d amarag* Galaxie Pro Edition ak d iǧerrayen* Ur zmiren ara a kun-d-inin acḥal n idividiten (DVD) i yewḍen gar ifassen n uzayez* af ddemma n ssuq n tuffra (02) ; ternuḍ-as diɣen amek ara tqiseḍ asukfel* n usgiwen* ar imsaɣen. Ma tessurfeḍ-iyi, ad d-ernuɣ yiwet ttamectuḥt : asaru agi shrek, am DdaSpullu neɣ Icawraren, mačči d yiwen unnuɣ* uddir i yettwaqesden kan igerdan (iqrar), maca d yiwen usaru n usmessu » ittuhegga-d i xilla n medden.

Aseqsi : Aṭṭas i tɛeṭṭeleḍ akken ad d-swejdeḍ amur wis sin, acuɣer ?

Racid Tiɣilt : Sebbat qwant, kra deg-sent ur seffraḥent ara, ulayɣer a tent-id-nefḍeḥ ar ubraḥ s uzayez*. Sureft-iyi ; lmaεna, aswexxer agi, lla leqdicat nniḍen akka am kra n tullizin n watmatenGrimm ,ilan d amdakkel-iw akeffad* amedyaz u d amaru aqvayli , Essaïd Aït Mεammer, iterǧem-d ar tutlayt n Lmulud At Mεammer srid si talmanit. Ula d nekk, uriɣ kra n ummud n isefra d tira, anida sarameɣ ad ten-id-ssufeɣ-ɣ akka kra ar zzat.

*Tajmilt tameqqrant i wergaz am Racid Tighilt i yefkan azal i tutlayt nneɣ akken ad tidir u ad teffeɣ deg leqrun anida itt-irra ucengu n waɛrav-ineslem n Tferka Taɣerbit sumata si lqern VII.

Lemɛani n dunnit :
01) Awal n wegaz ameɣna u d anaẓur si tefsut n 80 ar ass-a, netta iqeddec af tutlayt nneɣ akken ad tidir ar tama n tegnawit i yekkaten a tt-tessenger. Mmektit-d awal n Lvacir Vrahimi af tutlayt n taɛravt di qvel tura n 1954. Hataya wawal i d-inna i tallit nni : « la langue arabe est comme une femme libre, elle n’aime avoir de rival ».

(02) Ilaq tura a ttfak takerḍa n laɛtav n inuẓar. Win yenɛettaven ɣef leqdic-is, yewwi-as-id ad iɣellet deg ayen af i yexdem. Xilla n iqvayliyen ttnaqalen neɣ selsuruyen* amma ttuɣacneɣ, d isura. Ma tkemmel akkagi ur d-yettqamay unaẓur, ur ittili usnulfuy. Ihi, yal aqvayli neɣ amaziɣ sumata ilaq-as ad d-yaɣ afaris* kra n tikelt ara d-yili umaynut wala ad telsarum* ɣer flacdisk afaris n tidi-nsen.

Amawal
Tamzert : pinceau
isnulaf: adaptations
innuɣen : dessins
uddiren : animés
isnulef-d* (adapter)
usmessu : animation
usemmezray : succès
anfaras : producteur
isulaf : moyens
asawem : evaluer
asenqed : sondage
amarag : editeur
iǧerrayen : distributeurs
azayez : public
asukfel : degres
asgiwen : satisfaction
unnuɣ : dessin
abraḥ : rreḥva
suzayez : publiquement.
akeffad : prolifique
afaris : produit
telsarum : copier

* Wagi d amsawal n Mas Racid Tiɣilt deg uɣmis Liberte n ass n lexmis 30 yennayer 2964.

UA-10888605-2