26 juin 2017

Awarzig aked tweṭṭuft*

Anebdu kamel, awarzig, yekkat tazemmart, asmi i d-tewweḍ tegrest yufa-d iman-is ulac dacu ara yečč, ara ger ddaw n tuɣmest-is. Iruḥ ɣur tweṭṭuft, isuter-itt akken as-id-erḍel ayen s wayes ara yesɛeddi taswiɛt n laẓ. Inna uwarzig i tweṭṭuft:
– A lalla taweṭṭuft, erḍel-iyi s wayes ara sɛaddiɣ ccetwa a taweṭṭuft tamaɛzuzt ma yehda-kem-id Ṛebbi ! ar aseggas agi zzat-neɣ lxiṛ-im ur t-tettuɣ ara, am terreɣ ncalleh !
Taweṭṭuft, nettat areṭṭal ar ɣur-s d lxir kan. Tenna tweṭṭuft i uwarzig:
– A d ak-reḍleɣ?.. aɛni keččini dacu i txeddmeḍ asmi akken medden ttɛammiṛen ikufan-nsen? Yerra-yas uwarzig:
– A weltma tamaɛzuzt,… i teswiɛt nni,… a lliɣ lla kkateɣ tazemmart ur k-maɛniɣ !
Taweṭṭuft terra-yas-d:
– Tekkat-ḍ tazemmart ?… Ad isdum Ṛebbi lferḥ ! Ihi, tura d nnuba an ecḍeḥ !

Amawal:
awarzig aked ttweṭṭuft: c’est la cigale et la fourme s tutlayt taqvaylit.
awarzig: llan anida sawalen-as zḍec neɣ zdec. .
uḥendersi: yerwa tisiwan. Qui fait face aux difficultés, être presque un damné
afud: force
azref: droit

Lemɛani n dunnit.
Akk-a i tḍeṛṛu d win ur nettɛattib ara iman-is di lawan anda imdanen lla ttekkaren deg uḥendersi* n cɣel akken amma a ten-id-isami laẓ ar tama anda llan. Ma d win i yḥemmelen tarwiḥt-is, acku ur itɛettib ara iman-is, ihi winna d amdan anda lḥif d lmizirya ad t-i-d-yetgabaṛ am uccen ittgabaren taɣaḍt‚ a tt-ismug d imensi-s. Akka ay amdan ufhim, uḥric, kker af yiman-ik zik, ur ḥemmel ara iḍes alamma yuli uzal. Illa umedya n zik, inna-d: Win ittekaren zik, ad imager rrbeḥ*(01): acku mačči dɣa illa kra n ugerruj ara d yaf umdan zzat-s mara yettekkar zik ar uxeddim-is, maca d tukkra nni i d tamagert n rrbeḥ. Taweṭṭuft ass-a, ma tugi ad as terḍel i uwarzig, yak ɣur-s azref, acku nettat tefcel seg usiweḍ n umɛic tessekwbal-it i tegrest. Akken imiren i teḍra dɣa mi d-iwweḍ usemmiḍ d ugris nettat ikufan-is yufaten-id lla neffelen si naɛma akk d yirden; ma d awarzig amcum, ad yeṛwu tiyita n tzemmarin.
(01) Expression: Win ittekkaren zik, ad imager rrbeḥ: wagi d lmaɛna-kan i teqqaren akken amdan ad yesɛu afud* ad yekker ad ixdem lecɣal-is. Qaren at zik: axxam i yegganen alamma d azal, dinna i ttezzi-d laẓ fell-asen. D axeddim-nwen ara yuɣalen d rrbeḥ-nwen uzekka, n win n warraw-nwen.

UA-10888605-2