26 juin 2017

Derya n tmellalt

Sin hedṛen di lqahwa, imir amezwaru yenna-d:
– Amezwaru: Wigi id-ittekkaren tura d derya n tmellalt.
– Wis sin: Amek meḥsub?
– Amezwaru: Amek meḥsub?… Ur tessineḍ ara dacu i d derya n tmellalt keččini diɣen?
– Wis sin: Iih!… Derya n tmellalt agi… Amek meḥsub?
– Amezwaru: Iih!… Derya n tmellalt agi… Dayen yefrurin deg tmellalt.
Wis sin: Iih!… Umbεad?…
– Amezwaru: Iih!… Umbεad!… Derya n tmellalt d wigi id-ittekkaren akk-agi… Hatah! Mi meqqṛit kan, dɣa ad srifgen (ferferen). D wigi i wumi qqaṛen medden derya n tmellalt. Tella diɣen derya n lexla…Am derya lexla, am derya n tmellalt… Yiwet-is. D derya itettun lxiṛi isen-xedmen imawlan.
– Wis sin: A nekkini ihi, win i tuɣ yemma… Nek ad dduɣ yid-s d arbib…
– Amezwaru: Amek meḥsub?
– Wis sin: Iih!… Nekkini, a win i tuɣ yemma nekk ad dduɣ yid-s d arbib!
– Amezwaru : Ixemmem, ixemmem… Yuɣal yεaya!… dɣa imiren yenna : Hedṛeɣ-as af nnger, netta ihedeṛ-iyi-d…

Amawal;
Arbib: demi frère.(ara yeddun ttyemmat mara tεiwed zwaǧ nniḍen.
Taverkant: (la mort) lmut, tamettant mara d-as ar umdan a tt-awi tarwiḥt-is.
Amger urumi: (la faux) d winna si ttḥuccun irden d usaɣur deg wayur n yunyu.

Lemεani n dunnit :
Acuɣer i nettmetil yir tarwa ar derya n tmellalt ?…Acku, tin n tmellalt am ayen yefrurin teg tmellalt mi tezmer-kan i yiman-is ad teffeɣ deg lεac am ṣṣfeṛ n ibeṛṛiq. Tuɣalin ar wid i ten-id-isεan ulac-itt! Yernu diɣen, ayen yefṛuṛxen (yefrurin) teg tmellalt dima izyen (d abbaḥan). U lumaɛna, nnfaɛ deg-s d lxiṛ-kan ! Ad d-nawi amedya nniḍen : Iṛumyen ɣur-sen ṣṣifa, atg… Ulumaεna d derya n tmellalt, axaṭer asmi i meẓẓiyit ad εatben fell-asen imawlan, mi meqqerit ur ttissinen lla babat-sen neɣ yemmat-sen. Imawlan-nsen ttegwrayen-d deg ixxamen n yemaɣren. Ur sen-ttbaddan ara af tewwurt ula deg ass n laεwacer. Ihi, ur tettut ara imawlan a tarwa taḥeṛṛit ! « Akken txedmeḍ i baba-k ak d yemm-ak ak t-yerr mmi-k neɣ yelli-k!

01) Anda taswiεt n umdan ur tettbeddil ara fell-as. Ihi, neqqar akkagi d amedya af liḥala ulac agerrez deg-s.
02) Yella diɣen umedya nniḍen anda id-yenna: tuffɣa n ibeṛṛiq. Tuffɣa agi n ibeṛṛiq d ttuffɣa wer tuɣalin ar wanida i d-ilul. Seg tutlayt taqvaylit, nessen kan amedya yagi mara d nemmet kra ar wayen yennejlan af ansa id-ifruri. Ihi, akka, derya n tmellalt neɣ lexla d tarwa yettaǧǧan imawlan nsen, anida i ten-ggaren ɣer ixxamen n imɣaren akken ad faken tudert-nsen alamma tesseqsa-d ar ɣur-sen tberkant s umger nni ines n urumi.

UA-10888605-2