22 juin 2017

Idammen n inisi

Yiwet n tikelt izem, agellid n tezgi yeɣli deg waṭan ur yezmir ara akk ad yessemḥiḥed* iman-is deg umekkan. Yal wa d acu is-yeqqar ɣef aṭan nni, it-ittweṣṣi* ɣef ddwa ara s-yesmug* akken ad yaf ccfa d talwit. Tagara ulac d acu ur yexdim ara izem igguma ad yejji* neɣ ad yaf iman-is. Ikker-d wuccen bu tḥila, inteq-d akken ad iḍebber fell-as akken ad issewḥel inisi, inna-as :
– Uccen : ɣef akken sliɣ ala yiwet n ddwa i izemren a k-tesseḥlu.
– Izem : d acu-tt ddwa agi ?
– Uccen : d idammen n inisi, i ilaq a ten-tesweḍ.
Iɛedda yizem yuzen ar inisi, mi d-iwweḍ sefhemen-as taluft amek tella, ifaq belli d uccen i yebɣan a t-issewḥel, inna i yizem
– Inisi : ayagi d tidett, idammen-iw sseḥluyen aṭan-agi, d acu kan txuṣ-iten yiwet n tɣawsa.
– Izem : d acu-tt tɣawsa agi ?!
– Inisi : ilaq idammen agi inu ad xelḍen ak d lxecxac n wuccen.
Iɛedda yizem inɣa uccen ikkes-as-d lxecxac-is, ma d inisi ijreḥ-d taqejjirt-is, yefka-as cwiḍt n tmeqwa deg idammen-is.

UA-10888605-2