24 juin 2017

Lehna Umɣar

Mi yebɣa lehna umɣar
Yefk ccrav i warraw-is
Win yeswan deg-sen ad iččar
Ur yettqelliv af leḥqi-s
D akwessar neɣ d asawen
Anda i t-nehren yiwet-is
Iqelleb umezray* af uqvayli
Yufa-t-in s ddaw n ṭabla yeɣli
Yesker dayen yemmut
Yettu tajaddit n tmurt

Dacu d nnif s asekran
Mi d-iffeɣ deg tqerɛatt
Xas akken deg uxxam
Ad yenwu ttarun tabratt
Inker jeddi-s d baba-s
I sama-t-id ar tama-s

Udem-iw yexser
lɛaql-iw iruḥ
Amaziɣ yesker
Yeffeɣ-it erruḥ
Isem-is mazalt meqqer
Netta yuɣal d amectuḥ

Deg Atlas serḥen i lkif
Deg Gerger* nerwa lbira
Win teswiḍ deg-sen kifkif
A k-isvaɛed af tirugza
Taɣḍeḍ-iyi a ddeya l-lḥif
Ur tecbiḍ imezwura

Ibɣa ucengu ay-yerr d netta
Yaɛreḍ s leslaḥ ur yesmir ara
Immeɣ yessahel-aɣ amcaḥ
Ccrab d lbira
Ccrab isɛa daɛwessu
Ulamma ẓid af yiles
In-as i ṭbib ak-yeḥku
Ak-yemmel lehlak ines.
Ma tenwiḍ cci d zzhu
Sew mmi-k ad iṭṭes.

Amawal:

amezray: historien
Igerger: djurdjura (son vrai nom)

Lemɛani n dunnit

Tizlitt agi teffeɣ-d deg iseggasen n 1970. Acimi ? acku, deg tallit nni, « bran-d i tissit » (lexmar, lankur) af tmurt n Iqvayliyen, ma di tamiwin nniḍen n lanjiri ulac-it. Ihi, d tagi i d sebba ines. Dagi a ttwalim belli aḍabu, si 62 ar ass-a yekkat dayem akken aɣ-yerr am nutni neɣ am Ihendiyen n tmurt Marikan. Yak akka i sen-gan Igliziyen akken a ten-seɣlin u akken ur ttnadin ara af tnaṣlit d tjaddi, atg… Lmaɛna-s d amek: « ad ttun iman-nsen ad ruḥen deg-sent i levda ». Ihi, nekni, aḍabu acengu d win yettnadi si timunent n Lzayer, yekkat amek ara aɣ-yeɣḍel i levda ula d nekwni.

UA-10888605-2