26 juin 2017

Lukan d tafransist…

Zik, asmi llan irumyen deg tmurt nneɣ, dimexḍa n Iqbayliyen i yettruḥun ɣer uɣerbaz (lakul), mačči am tura. Ṭaqa deg-sen lhan-d xeddmen tafellaḥt, kessen lmal, tleqqimen, teẓẓun tjurṛ sumata, atg… D ayen i yellan kan i tallit nni iten-id-iṣaḥen. Wammag tura, atan ffɣen-d akk d imusnawen ad ibarek Yillu. Ass-nni, atay yiwen umeksa ibra-d i lmal-is, iṛuḥ ar lexla akken ad ikes. Mi iwweḍ ar umekkan n tyessawt, iserreḥ-asent i tɣeṭṭen-is, netta yelha d wurar. Lmal nni abugam imir ikcem-as ar wayla n yiwen qqaren-as : Ali Iberhuten. Netta argaz agi d bnadem ur ittqal yiwen ma iwweḍ-as walebɛaḍ ar wayla-s. Ihi, af ass-n amcum, argaz iḍallen di tiɣilt n lǧamaɛ Ufella i d-yussan nnig n taddart, dɣa bulmelk iwala-t-id, ibda lla ittendih fell-as, iqqaṛ: Ay imeksawen n Tensawt ! as isetbaɛ awal : »Haaa ». Ay imeks…! atg… Akken, akken, armi i ywala ulac, lmal dima yettkemmil ittaẓ kulaɛmad ar tlemmat n yiger-is, dɣa imiren yefka-tt i tazella ar lmelk-is arTensawt ad isufeɣ tiɣeṭṭen nni.Retour ligne automatique
Akken qṛib ad yaweḍ, bab n lmal iwala-t-id mi d-iqlaɛ fell-as, dɣa butɣeṭṭen yefkatt i trewla d akessar, inna: « Attention les chèvres, moi il est parti !…(ɣur-k tiɣeṭṭen-iw nekk aqli-n ruḥeɣ), Ali Iberhuten yerra-as: « Aha kan a yiwen uxeddaɛ, a jmaɛliman a lukan d tafransist ili ar d-afeḍ Dadda-k Ali af ukersi deg Iazzugen ! »

* Tadyant agi teḍra deg tama n At Fliq ger taddart N At Vusliman (Tamguḍt) deg iseggasen n 50.

UA-10888605-2