23 avril 2017

Msawalen idurar

Msawalen idurar
Rgagin at uzaɣar
Awris yessawel iw Heggar
Aṭlas yessawel iw Gergar*
Ma tecfam af zikenni
Asmi nella neddukel
Γurneɣ i tezdeɣ tlelli
Di nnif yiwen ur ɣ-d-imutel*
Tura mi nbeddel tikli
Nuɣal ttaḥsirt icenga*
Af ass-a yettru iḍelli
Iqudriten* Yuɣurṭa

Msawalen idurar
Meslayen af zikenni
Awris yessawel iw Gergar
Ismekta-t-id af yiḍelli

Iṭṭes waεrav di trakna*
D nekwni is-tt-id-iḥeṛṛan*
M’akken nella di lfetna*
Netta yettrebbi acciwen
Akken yekfa umerẓi
Iṛsa-d*aẓar g-izem
Inna-k : kunwi d nekkini
Nekk ḥyiɣ-d kunwi a ttemtem !

Ssawlen-d akk idurar
Af Igerger yesεan azal
Ittwaxneq, yenneḍ-as wemrar
Ur yezmir ad yerr awal.

Ibɣa Ben Bella aɣ-idul
Yewwet ad aɣ-yerr d aεraven
Iqqen-as lḥenni i weɣyul
Yerra tabarda i yizem
Issenqes degneɣ leḥya
I wakken a necbu atmaten-is
Tanmirt-is tura neẓra
Ddel aεrav i yisem-is

Tirugza ur tesɛi ssuma
Qlil wi tt-inekren
Amek ara tuɣaleḍ d acema
Yernu d kečč i gextaren

Ufiɣ win yetruzan
Deg texfett medden yeḥṣel
Iberra seg ayen iaddan
Iffeɣ amur-is di laṣel
Mennaɣ a wi das yennan
Diri-t wayen textareḍ
Acu n lfayda yellan
Mara tuɣaleḍ d win tifeḍ

Amawal :
Igerger : Djurdjura
Imutel : incomparable, unique
Icenga : ennemis, adversaires
Tarakna : tapis
iḥeṛṛan : gagner
lfetna : conflit, guerre
Iṛsa-d : imposant.

Lemεani n dunnit :
Iṭṭesw aεrav di trakna : imir qqaren as : « wacbihum leqbayel maεa nsara ». Asmi i tefra qqaren-d : ntuma ḥizb fransa (kunwi d akabar urumi). Wagi yenna di Qsentina i waεraven-nsen is-yewten afus si lferḥ: Déclaration d’Abdelaziz Bouteflika à Constantine le 23 septembre 2005 lors de la campagne référendaire sur la charte pour la paix du 29 septembre 2005. Il finira par cette phrase : « faites attention à hizb fransa ! ».