Nutni d nekni (I)

Spread the love

Imtaɛrben ak ttemtɛarbin ɣur-sen tiɣawsiwin i ten-yecban : kerhen ad ilin gar-asen. Walaɣ-ten, greɣ-asen tamawt yal tikelt seg zik asmi lliɣ di tmanaɣ deg iseggasen n 70, Yaɛni beqqun axaluḍ d kra yellan d amdan, atg… Deg leqhawi n Iqvayliyen di Lpari tamanaɣt seg asmi d-zegreɣ ar Fransa armi d tura,

Erriɣ-asen diɣen s tamawt ar yiwet n tɣawsa tameqrant i yellan tban. Amedya: deg yiwet n tseddart*, ɣur-wen snat n leqhawi, yiwet n waɛrav, tayeḍ n uqvayli. Imsaɣen neɣ imsudar, d aɛraven deg tmeslayt, deg tneflayt*, fernen ttebrani n iqvayliyen wala tid n imtaɛraven am nutni.

Alukan d unag (ar umdan amagnu*), ilaq ad ttarran ar wanida llan wid i ḥemmelen akken ad meslayen d widak wid i cerken tutlayt ak d cetla*. Imdanen ukud sduklen tiliwsa* ak d widak i mgaraden inukas*. Ihi, akk-a i gan akk yemdanen i Tmazɣa anda qqnen laṣel-nsen ar Cerq Alemmas. Inna-k Abdellah Bunfur* deg awal-is (at- idekker Yillu s lehhu) : “deg Tmazɣa, win ittmeslayt taɛravt d aɛrav, win ittmeslayen tamaziɣt d amaziɣ”.

Nettwali-ten mara ttemzerdaven ar ibistruten n iqvayliyen di Lpari wala ar widak n watmaten-nsen n tutlayt. Yernu, xilla n waɛraven awal ttḥussun iman-nsen ttwacebblen mara sellen i iqvayliyen neɣ i ymaziɣen ttmeslayen waygar-asen s tutlayt taqvaylit. Teḍḍra yagi aṭṭas n tikal (tura qlilit) anda iɣ-d-ttlaɛin, iɣ-d-ttendihen akken aɣ-id-inin a nehder s tegnawit-nsen, s tpatwart nni n Bab Lwad. Akka, s usiged agi kkaten aɣ-sigden akken a nesssusem, a nessiwel s tegnawit* neɣ a neggugem, aɣ-sebbutlen*.

Beqqu-nsen akk-it, a nuɣal a nenker iman-nneɣ akken a nesbeɣ akken i sbeɣen yagi nutni. Inna diɣen deg awal-is Dda Muḥend Aɛrav, (ad fell-as Yillu yeḥemel): « Ben-Bella yebɣa aɣ- idul, yebɣa aɣ yerr d aɛraven, akken ad yekkes deg-neɣ leḥya bac a necbu atmaten-is. Tanmirt-ik a Yillu, imi ddel aɛrav i yissem-is”.

Mara yili imeslayen ur ten-kfin ara, d rregmat iɣ-d-setbaɛen, neɣ d asmesxer af amek i nettmeslay, i nettidir deg tmurt Iqvayliyen. Yiwen umedya n uneggaf* n waɛraven-awal : Deg iseggasen-nni n Bumedyen, imtaɛrben ttemtɛarbin ɣur-sen « abrid srid, iserreḥ ar usmerged n uqvayli, d umaziɣ. Iserreḥ-asen Sidi-t-sen Vu idedyen nni nsen; “am yeqjan deg i yeṭṭafaren aɛeṭṭar, ameslub neɣ ssayel mara d-iɛeddi ar ṭṭerf n taddart.

Di tallit-nni n Boukheruba Md Ben-Brahim, yefka-asen ttesriḥ akken aɣ-aweḍen, aɣ-necben, aɣ fuhren*, aɣ-besṣen* akken aɣ-d-wehhin s uḍad amzun « belli d ixabiten, d ixeddaɛen i nella”. Neɣ diɣen akken is-qqaren wayga-asen :“ nekni d imeggan* n usdurneɣ* afransis”.

Seg iseggasen nni, imeslayen agi ttwuran-d deg uɣmis n El-Moudjahed deg tefsut n tmanyin. Zerɛan-t diɣen deg isaragen* snezwin-t* di yal tama n tmurt. Ayagi akken ad d-beggenen, ad d-ɛeggnen aqvayli neɣ amaziɣ sumata d aɛrav u tutlayt-is d awal n yiwet n tindiwin n taɛrabt i yxelḍen ak d tlatinin n ruman. Qaran-as yakan : “wigi d dderya n ruman, mi i yruḥen, segran-d cetla-nsen di tmurt-nneɣ”!

* Ayen d-uriɣ dagi, dayen i yaddan af uqvayli di tallit n Boumédien armi d tafsut n tmanyin.Retour ligne automatique
*Abdellah Bunfur: d amusnaw amaziɣ di Merruk. Wali-t adlis ines imi isemma: le nœud de la langue.

Amawal.
taseddart: trottoir
imsaɣen: clients
taneflayt : mentalité
amagnu: normal
cetla : origine
tiliwsa: affinité
inukas : envies
sebbutlen: complexer
uneggaf : oppression
waɛrav-awal: arabophone
fuhren: agresser
bexṣen:humilier
d imeggan*(agents
usdurneɣ*(colonialisme
isaragen : conferences
snezwin-t : (diffuser
tindiwin : variétés
tegnawit: patois arabe d’ Alger

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *