Nutni d nekni (II)

Spread the love

Yiwen wass deg uxeddim di lzayer tamanaɣt, xeddemeɣ ak d imtɛarben. Segmi ara d-aweḍen ar umekkan n lxedma, yal ass, ttqejjimen, sfutuyen deg iqvayliyen sumata af lihala n tudert -nsen deg idurar, af d ttutlayt taqvaylit, atg…. Yiwen wass, yiwen seg imtɛarben nni, isuter-as i wuqvayli illan ixeddem yid-neɣ, ina u uqvayli nni: “ini-d amek teqqarem i yighi s teqvaylit-nwen?”. Winna amagnu*, am akken kra ur yelli, s neyya-s ur ifhim belli d amesxer, yerra-as: “ihi nekni neqqar-as iɣi”.


Imairen, kra yellan dinna d imt εareb yetterḍeq ttaḍsa, amzun akken d yiwen i d-yebran I kra n diri. S yen, yiwen deg aεraven-awal-nni, niqal yettaḍsa am atmaten-is, dɣa irkeb -it wurrif, isuγ af uqvayli s lɣecc, yendeh ar ɣer-s:“Teḥsiḍ, taqvaylit-ik eǧǧ-itt kan deg Tizi Wessu, i Tizi Wezzu ar dagi, ur te tteddu ara”(qbayliya taɛ-k xelli-ha f tizi wezzu, m Tizi wezzu menna ma temcic ). Retour ligne automatique
Tiririt n wawal n imtɛarev s usiged*I ar lǧiha n uqvayli imi yeṣṣaweḍ yessufeɣ-d wawal s teqvaylit zzat-sen. Akk-a i ygan wigi, d imzernan*, tikwal diɣen setbaεen-d s rregmat s lehdur ar tama n tutlayt taqvaylit (semman-as taqnizit, wid itt-ittmeslayen igniziyen).


Akken ad tamnem i wid i yugin ad amnen; ruhet ad tesmuzegtem i uḍebsi (skecht) iseḍsayen n Mas Fellag i wumi iqqar: “Djurdjurassikpark”. Iḥekku-d zdaxel-is, amek teḍra yid-s asmi i d-ikcem ar tmanaɣt, asmi d-yusa deg tmurt n iqvayliyen. Imeddukal-is asmi mecṭuḥ deg uɣerbaz; ttaḍsan fell-as imi yessawal kan taqvaylit, yernu ur ifehhem ara tagnwit-nsen.
Ayagi yeḍra-d deg lgirra nni nekni d urumi; imiren d tafransist i yuɣen tasga am tsedda. Ma ttagnawit neɣ tagebliwt d teqvaylit, qiment di rrif. Si 1962, tagnwit, tutlayt n Ben Laden, n Bumedyen, uɣ ent tasga, de ṭṭfent amkan n tefransist. Tagnawit n tmanaɣt tɣum, teddehim taqbaylit tamaziɣt deg akal-is akken ad s-tawi amkan deg teẓẓel.
Maca, am akken qqaren: “deg dda tikwal ittaf umdan dwa”. Maεna, akken ad naweḍ a nemčeqlal, a nemyergam akken ad uɣalen lecɣal ar imukan-nsen, iwwi-d imtaεrven agi ad d-erren tamuɣli-nsen ar umezruy n Tferka teɣerbit si zzman weqbel tineslemt. Maεna mačči kan seg unekcum n inselmen ar tura. Ula d nutni qqaren-d: “zik tellam, kunwi de lmal yien-nwen, cwi kan seg asmi I d-nusa ar ɣur-wen, newwi-y aken-d aqwran agi nneɣ i ken-d-irran d imdanen. Nesselmed-aken tira, newwi-aken-d tusna d tɣerma*.
Imeslayen agi qqaren-ten-id ar tura, εadik ar widak agi i yemmalen attas ar ubrid n ddin ineslem. Maca, akk-a igan imtεarben d temtaεrbin, acku d aya kan i sεan akken ad zuxxen-yis, ad kellexen imdanen i ten-yifen di ttrebga neɣ di lefhama. Inna-k yiwen umeɣnas deg iseggasen ni n lḥers af imaziɣen imi yiwen yeḥka-d yiwet n tedyan af aεraven ; nnan-as-id nutni iɣ-yessiɣermen* asmi d-wwḍen ar tmurt n Tmazgha s uqran-nsen. Ihi, inna wergaz agi i gmatneɣ : “nnan-asen w εaraven agi : n tkerkas “anwa yesɣermen wayeḍ, d win i yzedɣen deg wexxam yebnan s wezru neɣ d win yeddurin aqiḍun ?”.

Amawal
amagnu: normal
imzernan: agressif
usiged : menaçant
tɣerma : civilisation

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *