22 avril 2017

Tṭef afus-iw

Tṭef afus-iw. Ur s-tterriḥ ara. Ad smeḥsseɣ i wayen triḍ a yi-tid-tinniḍ. Xas ma tebɣiḍ ad tsusmeḍ, a s-ssleɣ i tsusmi-k.
Ma teḍsiḍ, ad ḍseɣ yid-k maca ur ttaḍseɣ fell-ak.
Ma tḥezneḍ, ad ɛrdeɣ a k-kseɣ af ul. Ad ak-heggiɣ timeqqunin n yeṭṭij.
A d-caɛleɣ times lferḥ anda akken ttwalin medden iɣiɣden.
Ma yela siwa yiwet n tjeǧǧit i kesbeɣ, ad ak-ttin-ffkeɣ i kečč. Mayela d taɣeddiwt (chardon) a tt-jemɛeɣ ɣur-i.

A kin-ffkeɣ ayen ak k-iɛjben, d wayen k-isferḥen, ma yela kesbeɣ-t. M’ur t-ksibeɣ ara, ad nadiɣ fell-as.

Ffk-iyi-d afus-ik. A nerr s anda tebɣiḍ. Ad tesleḍ i wẓawan ḥemmleɣ. M’ur k-yaɛjib, a nsel i win i tḥemmleḍ. Ad ɛrdeɣ amek a t-ḥemmleɣ.

A k-slemdeɣ ayen ssneɣ. Drus. A yi-teslemdeḍ ayen tessneḍ. D aṭas. Ur yi-d-qqar ur tessineḍ icemmek : D lekdeb, werǧin yelli win ur nessin icemmek. Xas ad yili, dɣa akken axir. A s-neǧɛel akken d urti aweḥci werǧin nexdim. Urti anda ara nargu tuffrint di tebḥirin.

ṭṭfen afus-iw, afus-iw deg fus-ik, d araz ifazzen ak di ddunit. Ur yelli ccek, ur telli tugdi. Ur k-ttaǧǧaɣ, ur diyi-tettaǧaḍ …

TANINNA


Tasuqelt n Simone Conduché, les chemins de tendresse