13 août 2017

Tama n Yillu

Llan kra n terbaɛt n yeqbayliyen yuɣi-ten lḥal di lkazirna a lla sɛeddayen tajmayɛit-nsen*. Akken d-yewweḍ ṛemḍan, akken ma llan iɛeskriyen-nni d aɛraven uẓẓamen meṛṛa, ma d iqbayliyen-nni tetten, maca s tufra. Yiwen wass dɣa izzenz-iten yiwen waɛrab ar lqeban-nsen. Yessawel-asen imir-kan lqebṭan i yqbayliyen n dinna ar lbiru-ines, inna yesseqsa-ten: amek armi lekka s lekmal-is ttuẓẓumen, kunwi mdah…. ? Iqbayliyen-nni rran-as i lqebṭan imeslayen-agi:
– A si lqebṭan, ddin yak mačči bessif, tura ma nečča ṛemḍan-agi, yak gar-aɣ d bab nneɣ, yak yal yiwen s uẓekka-s ?
Lqebṭan yugi ad yeqbel lǧawab is-d-fkan, dɣa iḥkem fell-asen ad ttɛussun deg iḍ af lkazirna kra ara yekk ayur n ṛemḍan.
Seg ass-nni, mi-id-tewweḍ tmeddit, ad alin ad ɛussen, ma d widak ad ččen, ad ɛawzen alamma d lawan n ssḥur.
Netta taqsiṭ-agi teḍra-d asmi akken qwan iremmaɣen* inselmen di Lzayer.
Ɛussen armi kan d ttnasif n yiḍ, lḥess ulac-it. Ussan iɛeddan, akken ara faken tuččit imensi ad yekker ẓẓwic am zerzur af tzemmurt. Ass nni, yemmut lḥess. Iqbayliyen i yɛussen fell-asen wehmen d acu-tt tsusmi-agi. Kra akk-a, walan-d lexyalat n yemdanen ad d-ttalin leḥyuḍ akken ad d-kecmen ar lekka. Iɛessasen nni bdan lla ttesmirin fell-asen s ṛṛsas. Widak kkaten, wiyaḍ kkaten-d, azal n tlata n sswayeɛ ur ḥbisen. Akken baqi yiwen ur d yuzzel akken aten-iɛwen. Armi d azekka-nni, a ziɣen s acu i sen-gren ar tgwella tameddit: imir ɣlin ak serɛen am lḥut n wassif.
Azekka-nni , ijemaɛ-inten-id akk lqebṭan-nsen, inna i yiqbayliyen-nni:
– Annaɣ ziɣen kunwi s Iqbayeliyen, anda tellam yella Sidi Ṛebbi, tura akk-a d asawen ruḥet xedmet akken ikwen-yehwa dagi, imi ziɣ kunwi s Iqbayeliyen Illu ar tama-nwen i yemmal !

Amawal:
tajmayɛit-nsen: service national
iremmaɣen: terroristes

* Tadyant agi teḍra-d s tidett deg lawan n n rebrab n yinselmen deg Lzayer. Imiren ur tɛassan ara anwa yeččan, anwa yuẓamen. Akk-a i ttaxeddaɛit n waɛrav-ineslem.

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2