23 avril 2017

Tamedyazt : Yiss-m

Yiss-m i yecbeḥ wemḍiq-iw
Yak teẓriḍ tiṭ-iw
Fell-am kan i ttnadiɣ
Ḥekkuɣ i Ṛebbi ḍerr-iw
Ḥṣu sebba d kemmini

Ṭṭalabeɣ deg a zzehr-iw
Ad tefhem tiɣri-w
Ata lberj-iw d lxali

*Asefru sɣur : Rabeḥ Larabi

Amedyaz
Xas yettruẓ ur ikennu
Yeqqar-d i yebɣun yeḍrun
Nnhat-ines d isefra
Amedyaz mara yettaru
Yessufuɣ-d i yettḥulfu
D wayen iceɣben talsa*
Yal tamsalt deg-s alaɣmu*
Yettnadi ireffed isrusu
di tmeɣrut* yakw d lmaɛna (rime)

Am tfeggact ireqqen
Yettak tafat i medden
Netta ɣer daxel yezza
Yettdawi wid ixaqqen
Yessifsus ɣef ulawen
Yessedhay, yesseḥrac-aɣ
Amediya wi t-ifehmen
Am taɛwint n idelawen
Wi yeffuden deg-s iswa

Amawal :
alaɣmu : exercice scolaire
tameɣrut : rime
talsa : humanité

*Asfru sɣur : S. Aṭṭab