18 août 2017

Tamettant n useddanku (III)

Ar tesdawit taqwranit* n El Azhar, di Lqahira*, anda, netta i yeḍfer leqraya-s. Yiwen seg widak i t-iqerben, d kra n yemdukal-ines imexḍa, *deg-sen Ṭaleb Brahimi ufhim, axlaf (iddan yid-s ar Musku), d mmi-s aggani n Cix Brahimi, aεulamit* d Ben Badis i yeslemden i luluf n igerdan asgemgem* s wul awalen-agi, qqaren-as : tineslemt d ddin-iw, taɛravt d tutlayt-iw, Lzayer d tamurt-iw; (01) ayagi yezraɛ, izwar lgirra n umḍal tamezwarut, qbel ma ad yeflali* FLN ak d umennuɣ-is ɣef timunent.

Tura d lawan ad d-nessefeɣ ayen yellan. Yak, wigi ur llan ara “d imemmiten n tusant”*, wid i d-xelqen FLN, ass n 1er n nuvember 1954 sekkeren-d tagrawla i yessuzlen asif n idammen, yewwin d aseffel wacḥal d tmegraḍ akken ad tili tmunent. Maca, amennuɣ-nsen, d win ur d-neffil ara di tlisa, tazwara n Tunes, syin akkin Lmerruk, anda mihiten* ulac-iten ḥsebk*.

Mačči am imeqranen n ugensu*(02), yefkan akk lefhama, tazmert d tirwiḥin-nsen aɛzizen akken ad sufɣen imnekcem afransis si tmurt. Amennuɣ-ines ur d-iban ara d win mucaɛen akken ad iḍur agen* afransis, maca netta, yeffer am uɣerda n tzuliɣt (03) ak d iserdasen-is*. Werǧin iqḍaren-is demmeren * s tidett-nsen isergalen* n wagen arumi. Yernu, ihenga* n ugensu, ayendin i bɣan, i yurǧan tasalit* i yurǧan akken asen-id-fken afud.

Imeqranen* n tegrawla llumen fell-as imi yeḥrez tiɣurad-is* af igen* n urumi akken aten-yesseqdec mgal imenzaɣen-ines*.

Tabehnast* n Ben Bella, aselway n Lzayer tilellit, yewwi-d ad ikemmel ayen yeqqimen deg lexsas-ines. Yesseqdec Bumedyen akken ad yaweḍ ar lebɣi-s, deg ussan nni imezwura n timunent, lwilayat ur s-nekna-ara, iwakken diɣen ad isuxxeṛ, ad isinef* irfiqen-is n umennuɣ n lɣerba d wid id-yennebran si lḥebs n urumi.

Yettu kan ayen akka yexdem ad yuɣal af uqerruy-is ar tagara, ad d-yegwri weḥdes, zzat n win , d ameḍɛafu, ḥala agwlim af yiɣes (04), maca d amellaẓu ɣef uḍabu. Bumedyen ɣur-s asahet* taserdasit*, kran n kraḍ n iseggasen kan yessawe ḍ ar usahet n tsertit.

* Traduit du français d après l’article de Eugène Mannoni dans l’hebdomadaire le point intitulé :« la mort d un tyran ». (27 novembre 1978. n°323)

Amawal
tasdawit taqwranit: El Azhar (05).
Lqahira: Caire
axlaf: séduisant
aεulami: oulema
asgemgem: ânonner
imemmiten n tusant: fils de la Toussaint
yeflali-d: surgisse
imihiten: risques
ḥsebk: presque
ugensu: interieur
agen: armée
iserdasen: soldats
demmeren: forcer
isergalen: barrages militaires électrifiés entre le Maroc et la Tunisie.
Ihenga: combattants
ugensu: intérieur
aɣuluɣlis (Koulouglis) : d dderga nni i d-ilulen deg lburddiwat i d-ǧǧan iserdasen n terkw qbel imnekcem afransis ar tmurt n Lzayer.
tasalit : renfort
Imeqranen: les chefs’ de l’intérieur
tiɣurad: forcesRetour ligne automatique
igen: arméeRetour ligne automatique
imenzaɣen: rivaux
tabehnast: imprudence
isinef: écarter, exclure.
asahet: puissance
taserdasit : militaire
* Voir le Dictionnaire Universel Bilingue français tamazight par Mas Idris Abdelhafid et Mas Madi Rabah. Édition Jazz. Alger 2003).

Lemɛani n dunnit:
01) « Tineslemt d ddin-iw, taɛravt d tutlayt-iw, Lzayer d tamurt-iw ». Awal-agi semɣant deg yal ixef n weqrur deg uɣerbaz azayri si 62. Yernu, amdan azayri, yak tutlayt-is labud d tamaziɣt mačči am akken I bɣan ad simnen izayriyen am nutni i tesbeɣ yagi tutlayt n imnekcem aɛrav. Ihi, seg tama nniḍen, wid yellan, qqimen ṭṭfen deg laṣel-nsen, ad ttwaḥeqren, ad ttwaɛezlen seg asmi i d-ḥellan tamurt i 62. Messali Lḥaǧ aɣuluɣlis*, yenna ula d netta yiwet n talit asmi akken mazal ɣur-s lqewwa n watmaten-is : « tura win yellan d aɛrav d azayzi, win ur nella d aɛrav mačči d azayri ». Akka i gan imtɛarben d temtɛarbin n Tferka taɣerbit.
02) Imeqranen n ugensu (les chefs de l intérieur) de widak n lwilaya III ak IV i seddan Iqvayliyen.
03) Expression: am uɣerda n tzuliɣt: d amdan amaɛfun, butexnanasin.
04) Expression: ḥala agwlim af yiɣes (d wagi i d udem n Bumedyen i 1965). Ayen i yxuṣen tacriḥ, sawalen-as akka.
05) Nekni i Tferka taɣerbit neqqar-as: timɛemmert neɣ anida selmaden aqwran s tutlayt taɛravt. Tidak agi ulac itent deg Ccerq Alemmas. Tura sawalen-as: « zawiya ». Am akken ula d limin, ur ttgallan ara s lejwamaɛ nni nneɣ zik. Amedya: « aḥeq Sid Mhand Avaḥriz ! Aḥeq Sidi ḥand Cafaɛ ! Ma d irgazen ttgallan s lketra : Jmaɛliman ! I Iqvayliyen yettidiren deg tamiwin timtruziyin, ilaq asen ad d-uɣalen ar tjaddit-nsen. Amedya: Iqvayliyen n Lzayer tamanaɣt, Wihran, Qsemtina, atg…. Yal Aqvayli ad yuɣal ar lejdud-is. Tuffra ur tettsellik ara amdan !

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2