26 juin 2017

Tamettant n useddanku (IV)

Nɣil-it d acellentah* u d amastar*. Issegwen* s tɣellefin-is* n usqamu ameqran n iserdasen, acku yezmer i uraju am atmten-is sumata. Ayendin d anemhal*, ihi, i yɣelḍen. Ḥala lehlak i yḥettmen Bumedyen akken ad iserreḥ i ileggamen n uwanek*, ileggamen-agi i yjebbed meṛṛa kan netta waḥed-s. D asqamu n tegrawla i yeskellefen ad t-iseddu deg umur-ines.
Asqamu yagi n tegrawla, d agraw ukrif*, cɣel n lbiru pulitik imi ur d-yezzi ula yiwen n lkumiti alemmas, maca anida tewɛer irkel, ula d yiwen n ukabar aserti ur d-iban. Akabar FLN i yesduklen Izayriyn deg ṭrad mgal afransis, ass-a ur yessaweḍ ara a ten-isemyiger deg tifrat. Γur-s tibeddi* deg tufra wala segmi yeṭṭef aḍabu. Tura atan d awesengim* (ukrif) n uwanek. Mačči d tasileɣt* taɣerfant*.Retour ligne automatique
Bumedyen ifaq belli d ilem i as-d-izzin. D ilem ahat, ur d-yexliq ara s lebɣi-s, id-ifka d-t-iga ukabar FLN deg tallit nni n tagara n ṭrad. Ur n tettu ara segimir d lulufat n Izayriyen ar ufaruq waygar-asen i ykemmelen ar tura .
Netta yeṭṭefen akk iḍuba, werǧin iqbel ad yenced agdud akken ad yekki ar useqdec n tsertit n tmurt. Akabar-is FLN, ur isegrer* ula d ulac. Hatan mraw semmus* n iseggasen ayagi (1963) mačči yeḍra-d wuswir* n tirni* i tmurt n Lzayer. S lebɣi n Bumedyen, atan ad d-yelli yiwen deg useggas n 1979, maca ddaw n uharez* n wanwa tura ?
Asqamu n tegrawla s lekmal-is, amzun d s ṛay agrawliw, yeḍra-d. Llan deg-s tazwara 25 igmamen *.
Lmut, uǧǧan-ak igermuten*-xedmen lebɣi-nsen ; qqimen-d kan deg ṭam* yid-sen i ybedden ar lbext n Lzayer mbla amwellah* : semmus ineɣlaf, kus deg iserdasen (sin lkumandat n temnaḍin tiserdasin (Blidda ak d Wehran), d kulunil n ur nefri, nebɣa ad ad d-nadder Muḥemmed Saleḥ Yeḥyawi. Γur-s 46 n iseggasen, d netta i yekmandin aɣerbaz aserdasiw n Carcall, anida seg timunent, ilmeẓyen inṣaben* n izayriyen, qqlen deg umekkan n wid n ifrasisen. Si tẓuri n userdas i ar tẓuri n tsertit. D netta i yextar Bumedyen a issegrew* deg ikerrazen*, ar usegrew n izufriyen, d iɣriwen* n ihenga* iqburen d iɣriwen n tlawin d uheggi n uswir n FLN n qabel.
Ihi, atan ger iberdan asudas* nezzeh ukabar aywen d tidewas* tizemmaltin*, ttwalin-t deg-s yiwen usemmezray* ahat uɣur llant tawilat akken (af akken d-qqaren) d ṣa* igmamen n usqamu. Am aneɣlaf n daxel lkununil Abdelɣani uɣur 51 iseggasen neɣ aneɣlaf n tɣawsiwin n beṛṛa yesɛan 41 i tmeddurt-ines: Abdelaziz Butefliqa

Amawal
acellentah : terne
amastar : discret
issegwen : satisfait
tɣellefin-is : fonctions
anemhal: ambassadeur
uwanek : Etat
ukrif : restreint
tibeddi : audience
awesengim : appareil
tasileɣt : formation
taɣerfant: populaire
isegrer : encadre
mrawsemmus : 15
wuswir : congrès
tirni : front
uharez: égide
igmamen : membres
igermuten : disgrâces
ṭam : huit
amwellah : guide
inṣaben : officiers
issegrew : rassembler
ikerrazen : paysans
iɣriwen : assises
ihenga : combattants
asudas : stratégique
usemmezray : successeur
tidewas : forces
tizemmaltin : armées
ṣa : sept
tagrasent : intermédiaire
iquranen : purs

Lemεani n dunnit :
Wid i yxedmen tagrawla n 54 akken ad sufɣen arumi ,ur xemmen ara i wuguren ara ad d-nemmager ar tagara. Iban belli ur sseninen ara timetti tazayrit neɣ ayen fi tres. Arumi akken i d-issers tibalizin-is ar wakal yeṭṭef tamurt, ibda yettnadi ad ifhem amek i tebna, af acu i tres tmetti, acḥal iɣerfan i tt-izedɣen. Lewhi ines yerra-t ar tmurt n Iqvayliyen akken ad yissin, ad iwali amek ara sen-yekk akken a ten-yerr ddaw ijufar-is. Ihi, anecta akk meṛṛa iruḥ-aɣ ur ten-wala yara ar ass-agi ar xilla deg-neɣ. Ass-a ma negwra-d d yir tallit, acku wid i yennuɣen akken ad sufɣen arumi si tmurt, ur walan ara imnekcem aεrab-ineslem i yeẓẓan iman-is am tmakezt s wudem n ddin ɣef i itekka akken ad yeg iẓuran i lebda.
Tamurt llan deg-s : Imaziɣen imawlan n tmurt, wid yeddan d imnekcem af demma n ddin; s yenna amur ameqran uɣalen ttuεerben, beddlen taglimt am izerman di tefsut). Ihi, hatay d acu i d-inna yiwen umusnaw afransis di tallit nni af imdanen-agi imtruziyen:

« Imaziɣen yetεerben gan amur ameqran, ugaren (ɣelben) imaziɣen yeṭṭfen deg tjaddit d yedles nsen. Usan-d deg tama tagrasent* (am usennan gar yiccer d uksum). Zgan-d gar imaziɣen d waεraben iquranen* (banu hilal). Sawalen s tutlayt taεrabt u ttaran iman-nsen d aεraven. ».
*(walit : Questions algériennes. Ernest Mercier, 1883 p : 06).

* Ayagi tzemrem ad twalim, illa ar tura. Kra n wuguren agi mazal-iten u imawlan n tmurt ur d-rran ara ddhen-nsen. Walit kan Iqvayliyen n tmanaɣt.Ttif ad siwlen taεrabt awala s tutlayt-nsen.

UA-10888605-2