29 juin 2017

Tamuɣli ɣef uzɣuzer* (I)

Ar leḥsab n umeddakel agi nneɣ Albert Memmi, azɣuzer* ur yuḥwaǧ ara ad ifeccec* akken ad yesseɣli af wiyaḍ bac aten-yaεzel. Tamxaleft-ines*, ur tuḥwaǧ ara akken ad d-sbeggen iman-is, ad d-ttuεeggen am usenǧaq* at-walin medden : llsas ines ires ɣef tmezdart* n wiyaḍ, widak it-ixulfen. Tucḍa ar wennar n uzɣuzer, yeshel ɣef yiwen akken ad yemmil ɣer-s, ar daxel-is. Amek ar yesber umdan ɣef ulɣib* i ysehlen maḍi ? Wagi d ayen ur nhellek win uɣur deg i d-iffe ɣ, imi yebna af lexsara, n uṣṣubbu n lɣir ddaw. Anwa ara yagin beqqu yagi i ysehlen s waṭṭas* (01).

Llan kra, akken ad d-ibin nnig wiyaḍ ; ad d-yali af “tuyat n madden”, af wid yettwaḥeqren (02). Izɣuzran*, akken ad ḥussen iman-nsen meqqerit, ilaq ad alin af tuyat n wiyaḍ. Dagi nefhem tura acimi i d textiṛin, i ffernen tiɣtast* tiseknatin*, tiẓuḍratin, tidak i d-yefkan iman-nsen i tyitwin mebla ma rran-d*. Azɣuzran* ittruḥ s ugnug*ar umeḥquṛ*. Yenna deg awal : yeshel ad ternuḍ tawaɣit* i ugeswaḥ*. Werǧin, d awezɣi i nesla, ara nsell yiwen af uzɣuzer mgal* Amarikani, Ajapuni, Aglizi neɣ diɣen ula mgal Almani.

Acku, widak agi d irgazen i iǧehden, i ibedden af tigruma* tinezmarin* ; maεna azɣuzran akken ad yeg talekt* ines, ittruḥ ar widak i ihezlen, widak yesseɣli umezruy. Ineggura deg tezrart*, n tmeqyast n talsa*

Ilaq-as i umdan, diɣen ad iḥader s tuccḍa af ayen yaεnan tilist n uzɣuzer agi. Ur ilaq ara yiwen ad ittwakellex, am kra n imgalizɣuzranen* inafrayen* i yessefqaεen anda yewwi-d a neḥḥader ur nɣelli ara am yizan deg leɣlaḍ n wanect-a. Am akken nezmer ad d-nebder : asexdem s usukay* n uzɣuzer (03).

Ttejribat-inu di Fransa.

Ila di Fransa anda imdanen iεedda fell-asen uzɣuzer, deg-sen yiwen d nekk s yiman-iw. Aqli-n d segwid agi fi iεedda miḥyaf. Degi seggasen nni n 70, imanagen d inelmaden n TferkaTaɣerbit, iwumi ssemman « Aεraben » ; tilawin d tullas tifransisin akken ma llan tttagint ad rafqent, ad ddunt d imanagen d inelmaden nneɣ sumata (04. Maca di tallit nni illa lexzin* i icudden xilla ar usdurneɣ* nni nekkni d ugdu dafransis.

Tagi d sebba kan id d-ufan akken ad d-rren fell-aɣ ḍlem n tuffɣa, ugaǧǧin sen deg tmurt n Lzayer i ǧǧan melba lebɣin nsen. Ihi, anect-a d sebba tameqant imi urzen-aɣ ddaw n uḍar nsen. Mara yili yiwenyettwaḥqer, yettwaεzel gar wiyaḍ, win i d-yusan seg wigi at-yerkeḍ at yerr amzun am akken mačči d amdan. Af anect-a i d-nniɣ sennig agi : xas d aklucar ak-id-yergem ma yella zzat n watmaten-is (04).

Maca, azɣuzer agi yeqsed kan izayriyen sumata, xas akken mara d ttmeslayen qqaren : “les arabes”. Imerruken d Itunsiren d iberkanen tettazgal-iten kra n wayen ttidiren n tmuḥeqranit i ttidiren izayriyen. Amma deg uxeddim n lluzinat zzat n lcaf, amma deg icantiyen yeḍra lbaṭel d timuḥqranit mgal imanagen d inelmaden iqvayliyen d waεraven n Lzayer.

Aεraven n Lzayer, ula d nutni ufan-d iman nsen i yḥuza deg tlemmast, akter n Iqvayliyen, azɣuzer i d-iɣlinfell-aɣ. Nekkni s Iqbayliyen, d taḍfirt* s 130 n iseggasen n Franse, s yenn, si 62, nesεedda azɣuzer n izayriyen iwumi neqqar « Aεraven-awal* ». Ihi di tmurt n Lzayer, aεraven agi ddren d nutni i yeqwan, mi d-wwḍen ar Frana, ufan-d iman-nsen am akken ddren Iqvayliyen di tmurt n Lzayer ( drus yid-sen).

Di Lzayer, qqaren-aɣ : « qbbayli fayeḥ, qbbayli kerruc, atg ». Di Fransa, d izukar i yellan ttwaregamen d imenza af nekkni, maca nekkni nella qbel kulleci d Iqbayliyen, maca d izayriyen. Tawaɣit nneɣ nekkni : “nesεedda rasizm n waεraven, imi d Iqvayliyen i nezwar, di Fransa nesεedda rasizm imi nella d izayriyen”.

Imiren i d-innulfa wawal agi iqqaren Iqvayliyen imesdurar n Fransa : « Nekkni s Waεraven ». Acku akka iɣ-ssawalen ifransisen imiren. Maεna akken izukar ur d-ttafen ara iman-nsen di rrif, d iwḥiden (06).
Zik mara tettmeslyeḍ ula steqbaylit, ar urumi qqaren-d : « Ah, theddrem taεrabt ! ». Kra n Iqvayliyen mara heddren s tutlyt nsen, qqaren i ifransisen : « je parle arabe, tu comprends toi l’arabe ? Ayagi dayen yeḍran deg lweqt qbel 1980.

Amawal :

Azɣuzer : racisme.
zɣuzran : raciste.
Ifeccec : vanter.
Tamxaleft : supériorité.
Tmezdart : infériorité.
Asenǧaq : drapeau.
Ulɣib : vice.
Uṣṣubbu : rabaisser.
Izɣuzran : racistes.
Tiɣtast:victimes.
Tiseknatin : désignées.
Rran-d : riposter.
Ugnug : d’instinct.
Umeḥquṛ : opprimé.
Tawaɣit : malheur.
Ugeswaḥ : malheureux.
mgal : anti.
Tigruma : nations.
Tineszmarin : puissantes.
Talekt : triomphe.
Tazrart : chainon.
Tmeqyast : cerceau.
Talsa : humanité.
Inafrayen : sentimentaux.
Imgalizɣuzranen : antiracistes.
Asukay : abusif.
Usdurneɣ : colonialisme.
Ttaεrebit : arabisme.
Tisnukta : idéologies.
Izukar : Berbères arabisés.
Tasnukta tamuzɣant : idéologie berbériste.
Aεraven-awal : arabophone

UA-10888605-2