Tamuɣli ɣef uzɣuzer (III)

Azɣuzer deg Fransa iqsed-d, iḥuza anagar Izayriyen sumata, maca deg izayriyen n tallit n 60/70, krad n imuren d iqbayliyen. Ifransisen, akken ma llan seg-sen, ar tura, mazal erran-aɣ, ḥesben-aɣ seg actal n waεraven. Wigi xas deg-sen llan widak iɣ-issenen u ssnen amezruy nneɣ.

Acukan, uzɣuzer illa wanida, kra seg imanagen sseqdacen-t s wudem asukay*, mara yili tallest* tugi asuter i weḥbak*. Maεna ḥadret ad tamnem belli tullas tifransisin d turupiyaniyin sumata qebblent-aɣ kan akka, maca nekkni s izayriyen nettwaḥsaw d ineggura deg irgazen* (06) seg imanagen meṛṛa illan deg tmurt n Fransa.

Tamenzut imi d ixeddamen, d ineggura seg tsellumt usemti*, tis snat, sebba af idger* nneɣ, imi nettxellis akk ayen iaddan di lgirra nekkni yid-sen. Tella tagi n iḍarren iberkanen*, d luluf* imi ffɣen-d ǧǧan tamurt s lebɣi neɣ mebla lebɣi-nsen, tinna ḥesben d ayla-nsen qrib azal n lqern d wezgen. Tiwaculin agi qqiment akken am-in ittwacellḥen, d lǧerḥ ur nḥellu, ur n reggel ilebda. Imdanen agi, llan deg-sen : ibulissen* (01), ijadarmiyen, ixeddamen n ddula tafransist di yal amkan n tabdelt*. Am akken teẓram, nudan ad erren ttar seg imanagen d inelmaden izayriyen di Fransa (02).

Nekk mlaleɣ-d tilawin agi tizɣuzrayin* iyi-iqeblen imi d argaz, maca ugin-t-iyi imi n ugemmaḍ n Tferka Taɣerbit*. Dagi ula d Itunsiyen d Imerruken, ula d nutni sεddan miḥyab n lqella n tayri* ak d tlawin turupiyaniyin. Kra d tikelt ara n qerreb ar yiwet n tallest, nettat imiren kan ad muqel tazwara lḥenn* n umeslay-ik, am uzuɣer* n yiles s « r ») mara yettmeslay umdan, d tikeli* inek amek lḥala-inek.

Lemεani n ddunit
01) Seg timsulta llan deg-sen ahat azal n wamur wid krad « d iberkanen n uḍar ». Dayen d-inna uɣmis France soir deg iseggasen n tagar n 70, inna-d : 9/10 deg ikumisaren deg Fransa d wid n Ifransisen n Lzayer. Ternuḍ-as diɣen llan deg-sen ula d iserdasen n lgirra n Lzayer. Wigini akk ɣur-sen cceḥna, taɣennant, atg….(06)

02) Di tallit nni, iadda miḥyaf neɣ azɣuzer ameqran af kra ittcabin ar ṣṣifa n uzayri. Ula d tikwal d Iguslaviyen, imi d imidditiraniyen ula d nutni, ssufrin deg tiḥeqranit n ukuntrul n ibulisen, anadi af tmezduɣt d axeddim, atg….

Imerruken d Itunsiyen ula d nutni ssufrin am nekkni, maca mi d-sbeggnen iman-nsen kan, mi mačči d izayriyen, imiren kan ad beddlen udem ifransisen ar ɣur-sen. Iqqel tagarawyen, ula d isem agi n « Maghrebin », erran-t kan izayriyen. Ḥala izayriyen ittcabin deg lewsayef nsen ar irumyen i imenεen.

Ttafen tilawin u irumyen ttqadaren-ten acku riyussin deg tudert nsen, sεan lullu, tadrimt ! Innak uqbayli zik : « win isεan irden, reṭlen-as medden awren ». Tarumit mara teddu d uzayri ittcabin ar urumi ɣur-s ṣṣifa, ur tettseḍḥi ara zzat n imawlan-is d ifransisen am nettat. Ma d taqvaylit, ur qqwant ara di tallit nni u kra n tidak i d-iggran, xubbtent, ddant d irumyen, ipurtigalen, iguslaben, atg…

Tiyiḍ maḍi d iverkanen. (Ayagi s tidett yeḍ-d di lawan nni). Tameṭṭut taqvaylit, ur d-faq ara deg iman-is, am taεravt neɣ tefransist, dayem gnent. Ḥeqrent laṣel d tutlayt, actal-nsent, atg….

« Ur ttwalint ara tawurt ara ten yessufuɣen ar tafat ». Walit tura af tutlayt : anti tigi akka i yesselmaden taqvaylit i tarwa-nsent di Fransa ? Ulac ! Anti tigi i ttmeslayen s teqvaylit i tarwa nsent di lzayer tmanaɣt ? Ulac ! Mal llant d timexḍa kan. Ma llant kra, alamma tekkes-asent tmusni (04). (anectagi yella a tawaɣit. Kra iwaεaren deg ddunit, mara yili yiwen tekker tmest deg uzagur-is netta ur d-wwi ara s lbal ! Akka igan imaziɣen sumata.

03) Ula di lgirra nekkni d urumi, widak illan d icelεaḍ*, ur ten- ḥebbsen ara deg iberdan neɣ deg umitru. Ass n 17 tubert 1961, tawaɣit d lbaṭel aberkan i d-immaren af iɣriben nneɣ ; azekka nni kan deg ugraw aɣelnaw* n Fransa, inna yiwen ufransis af ubaxix i d-yeḍran : « Heureux les Kabyles blancs ! ».

04) Ma llant kra, alamma tekkes-asent tmusni : ittusemma ala didak ur nezmir ad llemmdent (llah-ɣaleb akken qqaren izukar). Walit-ten dagi di Fransa. Ti anida tarwa nsen ttemslayen s teqvaylit, d tiyematin i iqeflen s trumit.

05) Comme non viril, ayant perdu toute masculinité. Homme humilié, battu. Nous étions considérés comme des sous-hommes. Am akken mačči d irgazen i nella, acku ula d tidak nneɣ ugint-aɣ. Ur ɣ-ḥsibent ara d irgazen. Errant-aɣ d ulac.

06) Walit deg udlis n Bessaoud Md aarav : « Histoire d’Agraw Imazighen », anida ifransisen ugin as-ssekrun taxxamt usensi asmi iɣab ar tama Lalzas. Inna-d awal agi : « Ad as-tiniḍ mazal lgirra nni n Lzayer mazal-itt ur tefra yara nekkni yid-sen ».

Amawal :

Asukay : abusif.
Weḥbak : drague.
iḥebbaken (dragueurs)
ttnadin tilawin izhhu-kan.
Tsellumt asemt : échelle sociale.
Idger : origine, racine.
Iḍarren iberkanen : pieds noirs.
Luluf : des milliers
Tabdelt : administration.
Turupiyaniyin : européennes.
tizgɣuzrayin : racistes femmes.
Tikeli : comportement.
Liḥala : classe sociale.
Tferka Taɣerbit : Maghreb.
Lḥenn : accent.
Uzuɣer : rouler le « r » parisien.
lqella n tayri : misère affective.
Icelεaḍ : blonds.
Agraw aɣelnaw : Assemblée nationale française.
Tallest : fille

Expression du jour
« win isεan irden, reṭlen-as medden awren (on ne prête qu’aux riches).

 

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *