22 avril 2017

Tawtult tuḥrict d wuccen

Yiwen wass tcebbeḥ tewtult. Imlal-itt-id deg ubrid wuccen. Isteqsa-tt ansi i d-tekka. Terr-as :
- Tawtult : Seg lexla.
- Uccen : d aci i txedmeḍ ?
- Tawtult, tenna : eẓẓiɣ tameqqict* ibawen.
Mmɣin-iyi-d d ijeǧǧigen.
Glalzeɣ* deg-sen.
Lsiɣ taqendurt n ṛṛqem
Mmuqleɣ s igenni
Keḥlent taṭṭucin*
Dermeɣ di tulmutt*
Ḥukkeɣ-d agusim*
Ṣubbeɣ takessart*
Lsiɣ-d tibacmaqin*

Uccen yumen ayen i s-d-tenna tewtult, ikker iɛuned-itt.
Iẓẓa timeqqict ibawen
Mmɣin-as-d d isennanen
Iglalez deg-sen
Iǧǧa-n taglimt-is
Isked*s igenni
Ddreɣlent wallen-is
Idrem di tulmutt
Iǧǧa-n taɛlact-is*
Iṣub takessart
Terreẓ tqejjart-is

Amawal :
tameqqict : takemmict (une poignée de…).
glalzeɣ, aglilez : qui s’enroule sur le sol.
taṭṭucin : les petits yeux
agusim : écorce de noyer.
takessart : descente
tibacmaqin : pantoufles
Isked, (sked) : observer. asekkud : voir, regarder, etc,.
tulmutt : ormeaux
taɛlact-is, taglimt-is. Sa peau