Tihray* yeččuren d akasan*

Spread the love

Aɛrav-awal yettkemmil dima ideggef* anaten-is* imaziɣen-awal am akken d imazdaren*, di yal tamnaḍt n tmurt i Tmazɣa anida d nutni i d ugut*, maca lejdud-is seknan imawlan-nsen ar ddin ineslem. Akken ad menɛan seg ucebbak n tmuḥeqranit d uzɣuzer* n waɛraven-agi, wid yeqqimen d imaziɣen, iqqim-asen-d kan ad nekren laṣel d ttutlayt-nsen, ad ffren adger-nsen* neɣ diɣen ad berreḥen d aɛraven i gan, ladɣa awal-nsen. Am akken ar waɛraven-agi n tkellax, bac ad twaqebleḍ di twacult taɛrabt, ilaq-ak a bnadema ad tettmeslayeḍ kan s taɛrab u ad teddifandiḍ tineslemt nni yaɛzizen fell-asen.

D ddin agi isen-ifkan azal ak d uẓayeṛ* ar yegduden i sxedmen ar ddin-nsen, maca tella yiwet tamaw* yewi-d ad tiwali umdan : ur yella ula yiwen seg igduden imellalen yeddan, yumnen s ddin i wumi qqaren “tineslemt”. Ma d Imaziɣen, imi ar ass-agi, mazal-iten ttwaḥeqren s tneslemt n waɛraven :

Mačči d aɛraven i ten-yernan, i ten-iɣeḍlen, maca d ddin ineslem i rran yagi i sezgen* ar laɛwayed-nsen. Amedya: a) Iqvayliyen srusun tazart, aɣrum af iẓekwan deg ass n lɛid. Lewɛadi deg ussan nniḍen di zzyara. Takemmist n tazart agi neɣ d weɣrum i srusun af iẓekwan, mačči d lmeyyet nni ara d yekkeren deg uẓekka-as at-yečč, maca i umessebrid, ssayel*, d lmal, atg,…ara d-yewwi webrid s yenn (01).

Acuɣer akkagi ? Axaṭer ar Iqvayliyen laẓ tefferen-t medden. Amedya: illa yiwen uqvayli zik (02), mara d-yeffeɣ ar tejmaɛt, idehhen-d icelɣumen-is s zzit uzemmur akken as-qqaren yečča-d tisfenǧin, netta yuɣ lḥal yelluẓ, ur tufiḍ i yger s imi-s.
b) Tagi n rebɛin yum n lmeyyet, ulac itt di tneslemt, maca tella kan i Tferka taɣerbit.
c) Illa diɣen taluft n ccix n taddart, werǧin yeggar-d iman-is deg ayen yaɛnan lecɣal n taddart.

Taddart ur tesseḥdar ara ccix deg unejmaɛ, seḥdaren-t kan deg ayen yaɛnan : lqerḥ neɣ lferḥ n taddart, maɛna sebba n wanect-agi, segmi Imaziɣen ɣlin deg tcerkett n imnekcem aɛrav, seg imiren, mačči refden-d iman-nsen seg anbaz* n Banu Hilal: nummen tafrirt*a wacḥal n lleqrun. Nezmer seg ayagi a nessesmel*ar: “yiriten icebḥanen ineggura” deg dunnit. Wammag, ini-tiyi amek ara qeblen takemmict igebliwen i d-yussan si Taɛrabt Tasɛudit di lqern VIII.

Kra n regmat n imtɛarben d timtɛarbin ar tama n Iqvayliyen si tmanaɣt.
- Aqvayli bunu bunu, yewwi-d iẓẓan af uɛabbuḍ-iw (qbayli bunu-bunu, ǧab lexra fi ɛabbunu).
- Aqvayli bu wexbiz, aɛrav bu wukkim (qbayli buxebza, ɛarbi budebza).
- Aqvayli afuḥan, aserwal-is yeɣli (qbayli fayeḥ, serwalu ṭayeḥ).
- Aqvayli acu lḥala, yewwi-d iẓẓan af tmegḥelt (qbayli yaxi ḥala, jab lexra flemkḥela)
- Aqvayli abehlul, aeggun (qbayli mɣendef)
- Aqvayli akerruc (qbayli kerruc)
- Aqvayli ḥaca-kum (qbayli ḥacakum)
- Azwaw aqerdac (zwawi lqerdac). rreqma yagi qqaren-t di Wehran.

*Laɛwayed n uqvayli
01) Laɛwayed agi nneɣ i ykecmen di tneslemt, qqaren-as yaɛdawen n tudert : “lbidɛa”. Qqaren wigi i tegmatt: ayagi mačči illa deg tneslemt, i wwi-d ad terrem ar ṭṭerf u ad tettum i lebda ! (isen nettweṣṣin yaɛdawen agi n tudert ).
02) Tadyant agi teḍra-d deg Tgemmunt n Lejdid deg iseggasen nni n 40 asmi i d-yeɣli laẓ af tuddart imi d aɣurar acḥal d aguren mačči yewwet-d ugeffur.
D wagi i d nnif n Uqvayli aḥṛur. Lḥif ttefferent medden, ur tettɛagginen ara ar wiyaḍ.

Amawal
tihray : termes
akasan: haine
ideggef: traiter
anaten: compatriotes
agut: majoritaire
azɣuzer: racisme
imazdaren: inferieurs
adger: origine
uzɣuzer*: racisme
aẓayeṛ: statut
tamawt: remarque
sezgen: adapter
ssayel: mendiant
anbaz: invasion
tafrirt: domination
nessesmel: classer

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *