18 août 2017

Truzatun !

Yiwen wass deg ussan, iruḥ yiwen n uqbayli di Lpari ad yečč ar uḍebbax* d atunsi. Mi yewweḍ, yɛana ṭabla iqqim weḥdes, ittraju nnuba-s at-id-saḥ am netta am imsaɣen ittrajun nnuba-nnsen ula d nutni. Acemma akka, ataya uqeddac* atunsi yaɛna-t-id as-yini d acu ara s-id-yawi d tagella-as. Tazwara kan, imeslay-as dumatu* s taɛabt am akken d aɛrav i yella. Inna uqeddac i ukelyan am akken yeqqar akk i widak i d-yettasen setten ar ɣur-s u gan ttaken acbi ar imezdaɣen n Tferka Taɣerbit*.

Yenna imiren, yeɣra-as-id am akken d tasurett » nni n uqran, acku xilla di tallit nni lminu* qqarent-id s yimi, s wawal (mazal-itt akka ar tura di tmurt), acku medden aṭṭas deg-sen ur ssinen ara ad ɣeren tafransist ɣas ttidiren deg tmurt n irumyen. Inṭeq uqeddac ar ɣur-s:  » Kayen llubya belḥem*, baṭaṭa b ctiṭḥa*, kayen kusksi belbuli*,…. », Amdakel nneɣ, iǧǧa atunsi « iqqar-d tisurtin-is » armi i yfuk, irfed allen-is, imuqel-it ar wudem ,yenna-as s tefransist:

Tamezwarut ur yi-tessineḍ ara akken ad yi-d-mmeslayeḍ s taɛravt !
Tis snat, nekk mačči d aɛrab i lliɣ akken a yi-d-heddreḍ s tmeslayt-ik !
Tis tlata, nekk usiɣ-d akken ad ččeɣ tagwella*, maca ur d-usiɣ ara akken ad ɣreɣ taɛrabt ! (je ne suis venu prendre des cours d arabe, je suis venu pour manger)*

Aqeddac, yečča taḥraratt am uccen nni yettewten s uḥlalas, yezzi iruḥ ar tama n ṭṭaq n tkuzin, yenna i winna i d-isewwayen : wihin atan yetruza ( hadak truzatatun) !Retour ligne automatique
Awal agi meḥsibint, argaz inna atan « nneɣ », d aɛrab am nekni, maca yugi ad yili d netta, yenker laṣel-is imi yerra iman-is ur ifehhem ara taɛrabt.

Amawal:
Truzatun: Yusa-d deg awal n tefransiste : naturaliser. Wagi d tiyita s awal s lmaɛna.
uḍebbax, usewway: cuisinier. (yusa-d deg awal : tbaq qui veut dire récipient dont on se sert largement.
uqeddac, axdim: garçon de salle.
dumatu, imiren: immédiat, de suite !
Tferka Taɣerbit, Tamazgha: Afrique du Nord. En arabe on dit: « Maghreb Al Arabie » d’où vient l’appellation depuis 1989: U.M.A = union du Maghreb Arabe qui regroupe les 5 pays (Maroc, Algérie, Tunisie, Libye et Mauritanie) que compte le monde appelé jadis par les spécialistes européens: « le monde berbère ».
lminu: menu
tagella: nourriture
Imṭurniyen: renégats.
Expressions arabes traduites:
*Kayen llubya belḥem: harricots à la viande
* kayen baṭaṭa b ctiṭḥa: viande en morceaux
*kayen kusksi belbuli: couscous au poulet.

Lemaɛni n dunnit:
Maɛna, netta yuɣ lḥal, aɛraven agi n Tmazɣa sumata, ur beqqun ara mara sen-tiniḍ ur tessineḍ ara taɛrabt-nnsen. Ttḥussun i yiman-nnsen am akken nɣull-iten. Ilaq ar
ɣur-sen, akken ḥemlen taɛɛravt ar a tten-ḥemmel ula d nekni s iqvayliyen, acku erran-aɣ d nutni* (tarwiḥt-nnsen tezdeɣ tafekka n imaziɣen) seg asmi i newwi timunen mgal ṭṭrad n ṭam iseggasen nekni d urumi.

Imturniyen* agi n Tmazɣa, sɛan-tt akken llan, argaz tameṭṭut, agrud, tagruḍt, amɣar tamɣart. Yal tikelt ara ten-id-mlileḍ a bnadem, ak-id-mmeslayen s wawal-nsen. Ad yeg Rebbi d ilaɛmer-ik walan di dunnit-nnsen, xas akken, ak-in heddren s taɛravt. Ihi, imturniyen agi , amer ufan, ili mečči a nemmeslay kan iles-nnsen. Nutni, ar ɣur-sen taɛravt agi heddren d ayen yelhan u « tessufuɣ ar tafat » (tutlayt imattaren), maɛna amer d Iqbayliyen ig xeddmen akka am nutni, wissen amek ar xedmen

Yiwen umedya: mara ken-d-yemmeslay waɛrav s tegnawit-nnsen, qqaret asen: « Nekk mačči d aɛrav, ur fhimeɣ ara d acu i d-qqareḍ a mmi-s R-Rebbi ! Neɣ diɣen: ttarrat-asen kan s tagi nneɣ alamma teḥwaǧem-ten a tteqḍum taɣawsa-nwen ar ɣur-sen.

* Hatay wawal is-yerra umdakel nneɣ: « je ne suis pas venu prendre des cours d arabe, je suis venu pour manger ».
* Tadyant-agi teḍra-d s tidett di tamanaɣt n Fransa deg useggas 1976.

Soyez le premier à commenter

Laisser un commentaire

Votre adresse de messagerie ne sera pas publiée.


*


UA-10888605-2