22 juin 2017

Yal ccedda tetabaɛ-itt talwit (V)

Mi d-yuɣal Gaya s axxam tefqaɛ fell-as yemma-s, tenna-as :
–Yella win i k-iwalan kečč ak d Taninna.
Gaya ifaq s win i yas-yessawḍen lexbar i yemma-s d txeddamt-nsen Badriya
yennuɣ mliḥ yid-s, yerfa fell-as aṭṭas, yezga d amqellaɛ* d nettat. Seg imir nni, tettnadi Tuḥdiqt ttawil iss ara tessebɛed Gaya af Tninna. Nettat tesɛa tameddakelt-is Lehna* i tt-iḥemmlen aṭṭas. Truḥ ɣur-s Tuḥdiqt tessuter deg-s aɛiwen i wakken ad tefreq Gaya af Tninna. Lehna teḍsa xilla deg-s, tenna :

– Diri win ixeddɛan imeddukal. Tuḥdiqt terra-as :
– Axdaɛ-a yella d ayen yellan si zik mačči armi d ass-a. Ur yelli d amaynut* i t-id-snulfan, ur yesɛi amkan-is deg tmussni*. Nekk ttwaliɣ-t dayen yelhan, yis-s kani nettɛici, deg ulawen yefka iẓuran ad awḍeɣ s iswi. Lehna ur tt-tehwa ara tikti-a, tenna :

– S tidett, axdaɛ d ayen yellan, yella si zik nni, mačči d amaynut* i t-id-snulfan, ur yesɛi amkan-is deg tmussni. Kemm tettwaliḍ-t d ayen yelhan, ma d nekk d ayen n diri. Ugadeɣ ad iyi-ɣurr zzman, Illu ad iyi-d-ittwali ma yella lliɣ d amdan yeṣfan, ma ulac leqder-iw ad yeɣli ar medden.

Γas akken Lehna tugi ad tebnu ddunit-is af ayen ur neṣfa ara ak d taxeddaɛit, maca Tuḥdiqt tugi ad tebru i ṭṭbel deg aman (01), am uzal, am yiḍ tettnadi-d ttawil iss ara taweḍ ar yiswi-s*. Si tikti n Badiya, tufa sin n ilmeẓyen deg taddart i d-iffeɣen seg tesdawit, maca ur ufin ara axeddim. Tudert-nsen tcerreg-itt tameḥḥnat* d lḥif iten yeǧǧan deg yir abrid (02).

Tuḥdiqt tessuter-asen iwakken ad akren Taninna. Tewɛed-iten i waken ad asen-tefk yal ttawil akken ad twennaɛ tudert-nsen n uzekka.
Sin ilmeẓyen i tweṣṣa Tuḥdiqt qeblen, bdan leqdic-nsen. Tiɣilt tettak-iten i tayeḍ, zgan steqsayen armi i yufan tiɣilt ideg tezdeɣ Tninna ak d yemma-s. Deymen ttqaraɛen-tt melmi ara as-afen abrid.

Taninna teffeɣ-d seg uɣerbaz, abrid-is, abrid-is s axxam anida i tufa sin yemdanen i yɛarḍen akken ad ttakren. Maca Dda Aɛli yellan d aɛessas af Ferruǧa d yell-is, iselek-d Taninna ger ifassen n leɣder.

Amawal :
amqellaɛ : conflit, dispute, querelle
Lehna : prénom non répondu.
amaynut : nouveau
tamussni : le savoir, la rationalité
iswi : but fixé.
tameḥḥant : mot kabylisé (lmehna), misère, souffrance. « Yerwa tamehhant wihinna ».
ssus : charançon, parasite qui détruit les graines (l’arabophonie).
ajeǧǧiḍ:la gale, maladie de la peau très contagieuse (salafisme).
tiɣerma : villes
timtɛarbin : arabisées.
timturniyin : renégate,. amturni, tamturnit personne qui a renié sa race, sa langue son identité.
ufacal : fatigue, abandon.
tfekka : corps.

Lemɛani n ddunit :
(01) tebra i ṭṭbel deg aman : ayen ar yeǧǧ umdan mara yili yefcel deg-s, acku yettwali am akken ur yettaweḍ ara ar yiswi-nni i yuɣen deg allaɣ-is. Mara k-id-ibdu ufacal* af ayen i d-beggeneḍ akken ad tebnuḍ. « Illa niqal iqqar tamaziɣt, tagara-nni ibra iṭṭbel ar waman ». (iṭṭbel yeɣlin ar waman ur d-yettak ara ḥess, ṣṣut (son).

(02) tameḥḥnat* d lḥif iten yeǧǧan deg yir abrid : tura ilaq asen imezdaɣen deg tuddar n Iqvayliyen ad bedden nezzeh ar imeẓyanen akken ur teddun ara deg yir iberdan. Tuddart d tmurt n Iqvayliyen ikcem-itent-id « ssus* » ak d « ujeǧǧiḍ* » i d-yettasen deg tɣerma timtɛarbin* d timturniyin*. Ayagi yettaɣ amkan anida amdan ulac-as iswi akken ad yeddu deg tudert-ines akken iwata.

Expression du jour :
« Ul yeččur, imi yeqqur ! » (le cœur est plein, la bouche est sèche).
D yiwen yessusemen, ur yezmir ara, ma yenṭeq-d ad yaggad ad yettwet neɣ

UA-10888605-2