21 avril 2017

Yelha ṛṛay

Illa uqahwaǧi di Lpari, yal tikelt mara d-tezzi tfaska* n tagara n useggas ad yewqem tameɣra di lqahwa-s i ikelyanen-is. Ittawi-yasen-d yal tikelt acennay Amɣid; ternuḍ anaẓur agi d ameɣnas ula d netta, am bab n uxxam. Netta kra illan i tmeɣra nni d aqbayli,am unazur am umezdaɣ am umɛallem, am ukelyan. Fiḥel ma nniɣ-awen-d, ccna akk anagar s tmaziɣt kan-itt-i nedhen segmi ibdan. Gar-asen, ikcem-d yiwen waɛrab am « unẓad deg useqqi », yerna yeswa-d. Ikcem-d ur iban ansi i d-ikka (01). Icḍeḥ snat neɣ krad* n tezwayin, iwala belli tagnawt-is ur tt-id isaḥ ara nnuba, am akken xeddemen xilla n icennayen n iqbayliyen i teddun af iɛeddisen-nnsen am izerman, xas ma seɣlin af tjaddit d titlayt n teqvaylit, maca anida ur iḥsa ara waɛrab amcum, am akkenni d amkan anda ttemlilin ineɣmasen. Iruḥ ar ucennay-nni, yessers-as semmuset ifrankaten (8,20 euros)*, isuter-as as-d-yawi taɣect n ṛṛay s taɛravt-nnsen. Anaẓur agi yugi-yas, inna-as:
– Nekkini ur zmireɣ ara ak-id-cnuɣ s taɛrabt, acku, akken ak-id-cnuɣs taɛrabt-agi, laqen dduzan: ilaq lɛud, nekk atanlla tettwaliḍ ulac dduzan. Aɛrab yebda yettsemmiḍt fell-as, baqi yugi ad as-ittixxer . Dɣa, isuter-as diɣen yiwet n ṛṛay s taɛrabt.

Anaẓur aqbayli: -Awlidiur zmireɣ ara ik-nniɣ, ulacdduzan is-ilaqen… Aɛrav yugi as-iserreḥ, inna:
– Acuɣer walaɣ ihi Caɛb Xaled, umayna di tiliiẓri, ulla d-icennu s tgitart kan ? Ataybab n lqahwanniisla-yas-id, yaɛna-t-id, yenna mumɛallem :
– I tura tugiḍad tfehmeḍ, neɣ amek?… Argaz agi ak-iqqar ur zmireɣ ara ak-id-awi-ɣ tizlitt s taɛabt, yernu dagi d lqahwan Iqbayliyen, ulac taɛravt dagi!
Aɛrab : – Awlidi nekkini sutreɣ-as kan ay-id-yawi yiwet n ṛṛay, daya…
Amɛallem:=Iiih! Yelha ṛṛay !… Ad tebaεɣṛṛay-ik, keččini, ad ǧǧeɣ ṛṛay-iw nekk ?.. .I-mara tebɛaɣ ṛṛay-ik, iṛṛay-iw anida ara t-rreɣ?

Lemεani n dunnit :Yal tikelt mara ten-yaɣ lḥal aεraven, anda icennun inaẓuren* iqbayliyen asen-d-ttɣennin s taεṛavt, xas yiwen waεrav kan i yellan gar-asen (ula lehdur). Inuẓar Iqbayliyen cennun s teqvaylit, s taɛrabt, atg…. Acuɣer ? Acku, xilla n Iqvayliyen i yessnen tagnawit n tmanaɣt*. Ma d ignawiyen d tegnawiyin ttagin ad llemmden ayla nneɣ. Ayɣer ?…

Acku, yezdeɣ-iten usakan* imi nekkni neqqim d imawlan n tmurt (ur nbeddel ara tajaddit), ma d nutni : « beddlen taglimt am izerman di tefsut ». Yal yiwen ugnawi d tegnawit d aqeddac af taɛravt, af tjaddit d ddin ineslem n , atg…Akken llan kkaten akken a nuɣal am nutni neɣ aɣ-ssnegren. Irekkeb-iten reffu, tismin mara ɣ-ttwalin nugi a « nbeddel tibulṭa nneɣ ». Kerhen ad as-slen d timesliwt ula deg ubridRetour ligne automatique
* (02). Ulac sekka* ig kerhen tameslayt nneɣ deg dunnit anagar aɛraven-inselmen n TferkaTaɣerγit.
Aɛrav anida i t-tuɣ ad d-iveggen, ad iɛeggen iman-is belli yella, a lukan weḥdes. Ad ibeggen xas ulamma s ccwal, awi-d kan a t-id-addren medden. Am llufan ittcebbwilen imawlan-is.

Akken ma llan, ur ḥemlen ara aɣ -ssellen n cennu neɣ nettmeslay ma mačči s tegnawit. Tekkat-iten tmaggert* mara smuzguten i ṣṣut n tutlayt nneɣ. Maɛna d nekkni i sen-yesnummen yir tbiɛa agi tafuḥant armi ass-agi ulin-d af izaguren nneɣ. Ma yuli-ak uyaziḍ ar udekkwan*, akken txedmeḍ akken ad t-id sserseḍ ad tḥesleḍ.
Akka iɣ-teḍra nekkni d wigi si 62.

* Mara issel i yiwen yettmeslay taqvaylit, ad ibdu ad itteqliliḥ am tyaziḍt nni deg tella tmellalt; am-in akken i d-teḥres tεebbuḍt-is, i iḥaren ad iruḥ « ad issenɣel tacekkart-is i lkabini ». Yella diɣen amek i xeddmen akken ad ḥettmen amdan ma yettmeslay s teqvaylit: at-ḥersen s tiklisent* akken ad yuɣal ar tegnawit nnsen. Ma theddrem gar-awen, ad kecmen ar tlemmast ad bdun ad ttmeslayen s tinna-nnsen.Meḥsub akken-kan ad tt-terrem ar tegnawit-nnsen. Xilla deg Iqvayliyen teddun-asen deg levɣi. Illa yiwen wawal qqaren-t dayem imtruziyen agi n Tferka taɣerbit : « ilaq a nefhem d acu i theddrem, maca tzemrem ad tqejjimem deg neɣ u nekkni ur d-nettarra ara s lexbaṛ ». Akka i d-qqaren izukar akken « ad seknun nnif n Uqvayli », ad ttun, ad erren tutlyt d yedles aqvayli ɣer rif, ar tmettant.

Expression: « unẓad deg useqqi », deg ucfay, atg…: d ayen yessexsaren lxater n umdan. Ireggwi-d ul.

* Cfut acu i d-yenna Cheikh Bachir Brahim ak d uɣmis aεrav-ineslem « El Basayer » di tallit n 1952 : A) « La langue arabe est comme une femme libre, elle n’aime pas avoir de rivale ».
B) « Les kabyles ne peuvent être des Algériens à part entière que le jour où ils cesseront de parler leur jargon qui nous écorchez les oreilles ».*

* (Walit Amar Ouerdane : la question berbère dans le mouvement national de 1926 à 1980).

Amawal :

tagnawit n tmanaɣt : parlé arabe d’Alger
tamaggert : maladie due à une mauvaise digestion.
inaẓuren : artistes
sekka : espèce,origine, race.
usakan : haine
udekkwan : comptoir, étagère
tiklisent : psychologie
ifrankaten: 8,20 euros: tadyant-agi asmi akken mazal d ifrakaten.
ṛṛay: conseil, sagesse, orientation (isεa ṛṛay, efk-aɣ-id ṛṛay-ik, atg…)
ignawiyen: berbères assimilés
ur iban ansi i d-ikka: qui sort de nul part